Qoʻshimcha funksionallar
-
Tungi ko‘rinish
Korean Air Seul va Toshkent o‘rtasidagi aviareyslarni to‘xtatadi
Mart oyidan aviakompaniya Seul-Toshkent-Seul yo‘nalishidagi reyslarni to‘xtatishga qaror qildi. Ta’kidlanishicha, bu qaror aviakompaniyaning poytaxtdagi vakolatxonasi yopilishi bilan bog‘liq. Bahordan bu qatnovlarni Uzbekistan Airways amalga oshirishi kutilmoqda.

Foto: Reuters
1 martdan boshlab Koreyaning eng katta aviakompaniyasi Korean Air’ning poytaxtdagi vakolatxonasi yopilishi munosabati bilan Seul-Toshkent-Seul yo‘nalishidagi aviareyslar to‘xtatiladi. Bu haqda Kun.uz’ga Uzbekistan Airways matbuot xizmati xodimi Ahmadjon Orifjonov ma’lum qildi.
Uning aytishicha, bahor mavsumidan bu aviaqatnovlarni faqat Asiana Airlines bilan Uzbekistan Airways amalga oshiradi.
“O‘zbekiston havo yo‘llarining aviachiptalari Korean Air’nikiga qaraganda nisbatan ancha arzonroq, shu sababli ham Koreya aviakompaniyasi raqobatga kirisha olmagan bo‘lishi mumkin. Ularning chiptalari qimmatroq”, – dedi Orifjonov.
Kompaniya vakillaridan biri esa Gazeta.uz nashriga reyslar rotatsiyasi yo‘qligi, yo‘lovchilar kamligi sabab Toshkentdagi vakolatxona yopilayotganini ma’lum qilgan.
Korean Air’ning rasmiy saytiga qaralsa, chindan mart oyidan boshlab reyslar va aviachiptalar mavjud emasligini ko‘rish mumkin.
Ma’lumot uchun, dunyoning TOP aviatashuvchi kompaniyalari qatorida turuvchi Korean Air 2020 yilda Janubiy Koreyadagi asosiy raqobatchisi Asiana Airlines’ning nazorat paketini qo‘lga kiritgandi.
Korean Air kompaniyasining ikki davlat poytaxtlari o‘rtasidagi parvozlari 2008 yildan boshlangan. O‘shanda O‘zbekiston birinchi prezidenti Islom Karimov Oqsaroy qarorgohida Korean Air aviakompaniyasi raisi Yang Xo Choyni qabul qilgandi.
Bu aviatashuvchi kompaniya Navoiy aeroporti bazasida xalqaro logistika markazini yaratish haqidagi bitim ishtirokchilaridan hisoblanib, ushbu markazni boshqara boshlagan.
Tavsiya etamiz
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
So‘nggi yangiliklar
-
«Ozarboyjon bo‘ysunishga tayyor emas»: Boku va Moskva bahsi nima bilan tugaydi?
Jahon | 19:30
-
Vaqtinchalik ro‘yxatda turgan fuqarolarning farzandlarini maktabga qabul qilishda cheklovlar mavjud emas – MMTV
O‘zbekiston | 19:00
-
SEVEN DATES PREMIUM: inqilobiy Italiya sog‘liq uchun ichimligi MDH bozorida
Jamiyat | 19:00
-
Toshkentda yuk mashinasi avtobus bekatiga borib urildi
O‘zbekiston | 18:43
Mavzuga oid

17:25 / 07.05.2025
T'way Air Seuldan Toshkentga parvozlarni yo‘lga qo‘yadi

12:37 / 10.03.2025
O‘zbekiston fuqarosi qariyb 5,1 mln dollarga Seuldan kvartira sotib oldi

17:28 / 27.11.2024
Seuldan Toshkentga uchishi kerak bo‘lgan reys noqulay ob-havo sabab kechiktirildi

14:40 / 30.10.2024