Qoʻshimcha funksionallar
-
Tungi ko‘rinish
Somalida isyonchilar BMT vertolyotini qo‘lga oldi
Uning ekipaji va yo‘lovchilari taqdiri noma’lum.

Foto: Reuters
Somalida «Ash-Shabob» guruhi a’zolari Birlashgan Millatlar Tashkilotining vertolyotini ekipaji va yo‘lovchilari bilan birga olib qochdi. Bu haqda Reuters agentligiga mahalliy harbiy amaldor ma’lum qildi.
BMT vertolyoti Somalining markazidagi Beledveyn shahridan havoga ko‘tarilib, hukumat kuchlari va «Ash-Shabob» kuchlari o‘rtasidagi to‘qnashuv chizig‘i yaqinida joylashgan Visil shahriga yo‘l olgan. Vertolyot havoga ko‘tarilganidan ko‘p o‘tmay, texnik muammo tufayli, guruh nazorati ostidagi hududga favqulodda qo‘nishni amalga oshirgan.
Vertolyotda tibbiy buyumlar bo‘lgan va u Galmudug tumanidan yarador askarlarni olib ketishi kerak edi. Reuters nashriga ko‘ra, bortda ikki somalilik va bir necha xorijlik bo‘lgan.
Vertolyot Somaliga yordam ko‘rsatuvchi BMT missiyasiga tegishli bo‘lib, ekipajda besh nafar xorijlik bo‘lgan. Ularning taqdiri noma’lum.
Birlashgan Millatlar Tashkiloti vertolyotning olib qochilishi haqidagi xabarlarga hozircha izoh bermadi.
«Ash-Shabob» guruhi Somalining janubi va markazidagi aksariyat hududni nazorat qiladi, biroq qo‘shni davlatlarga, jumladan Keniyaga qarshi ham harakat qiladi.
2007 yildan 2012 yilgacha «Ash-Shabob» jangarilari 500 dan ortiq teraktlar uyushtirgan. 2012 yilda guruh «Al-Qoida»ga qo‘shilgan. 2015 yil dekabrida 200 ga yaqin jangari «Islomiy davlat»ga bay’at bergan edi.
«Ash-Shabob» jangarilari ko‘pincha xorijliklar, jumladan, xalqaro tashkilotlar vakillari joylashgan mehmonxonalarga hujum qiladi.
Tavsiya etamiz
O‘zbekiston fuqarolari uchun Kanada, Argentina va Avstraliya vizasini olish osonlashishi mumkin
O‘zbekiston | 19:46 / 07.07.2025
Fermerlar yana sinov qarshisida: moratoriylar nima bo‘ladi?
O‘zbekiston | 16:39 / 07.07.2025
2025 yilgi iyun ekstremal quruq oy bo‘ldi – O‘zgidromet
O‘zbekiston | 15:03 / 07.07.2025
O‘zbekiston BRIKSning hamkor davlatiga aylandi
O‘zbekiston | 11:41 / 07.07.2025
So‘nggi yangiliklar
-
Toshkentdan Sharm ash-Shayxga uchadigan reys texnik sabablarga ko‘ra kechiktirildi
O‘zbekiston | 17:19
-
Central Asian University RUR va THE Impact Rankings 2025 xalqaro reytinglarida o‘z mavqeini mustahkamlamoqda
O‘zbekiston | 16:59
-
BMT Bosh Assambleyasi «Tolibon» siyosatini keskin qoralovchi rezolyutsiyani ma’qulladi
Jahon | 16:54
-
Issiqxona gazlarining chiqarilishi cheklanadi
O‘zbekiston | 16:47
Mavzuga oid

16:54
BMT Bosh Assambleyasi «Tolibon» siyosatini keskin qoralovchi rezolyutsiyani ma’qulladi

15:49 / 07.07.2025
Bolalar soni eng kam bo‘lgan mamlakatlar ma’lum qilindi

19:25 / 06.07.2025
Estoniyada vertolyot Boltiq dengiziga qulab tushdi

18:56 / 04.07.2025