Izboskan tumani hokimi ishdan olindi

Kecha, 10 dekabr kuni Andijon viloyatining Izboskan tumanida prezident maslahatchisi o‘rinbosari hamda viloyat hokimi Shuhrat Abdurahmonov boshchiligida sessiya bo‘lib o‘tdi.

Viloyat hokimligi xabariga ko‘ra, sessiyada viloyat hokimi qaroriga asosan tuman hokimi lavozimida faoliyat yuritgan Serobiddin Ismoilovni vazifasidan ozod etish masalasi ko‘rib chiqildi. Deputatlar tomonidan tasdiqlangan holda, tuman hokimi lavozimidan ozod etildi.

Tuman hokimi vazifasini vaqtincha bajarish ayni kungacha tuman hokimining birinchi o‘rinbosari lavozimida ishlab kelayotgan Hojiakbar Umarovga yuklatilgan. 

Serobiddin Ismoilov Izboskan tumaniga 2018 yildan beri rahbarlik qilib kelayotgandi.