Abduqodir Toshqulov Termiz davlat universitetiga rektor bo‘ldi

U mazkur universitetga 2017-2021 yillarda ham rahbarlik qilgan, keyin esa vazir lavozimiga ko‘tarilgandi.

Foto: Termiz davlat universiteti

Termiz davlat universitetiga Abduqodir Toshqulov rektor etib tayinlandi. Bu haqda Kun.uz manbasi xabar berdi. OTMga 2021 yildan beri Avazjon Marahimov rektorlik qilib kelayotgandi.

Avvalroq Toshqulovning prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimidan (amalda tugatildi) ketganligi xabar qilingandi.

Abduqodir Toshqulov 2010 yildan Qonunchilik palatasi deputati bo‘lgan, 2017 yil sentabrida Termiz davlat universitetiga rektorlikka o‘tgan, 2018 yilda senatorga aylangan.

2021 yil yanvaridan esa oliy va o‘rta maxsus ta’lim vazirligiga rahbarlik qila boshlagandi. 2022 yil dekabridagi ma’muriy islohotlar doirasida prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimiga tayinlangandi.

#rektor #Abduqodir Toshqulov #Termiz davlat universiteti