Qoʻshimcha funksionallar
-
Tungi ko‘rinish
Mahachqal’a aeroportidagi tartibsizliklar chog‘ida 60 kishi qo‘lga olindi
Mahachqal’a aeroportidagi tartibsizliklar chog‘ida 60 kishi qo‘lga olindi. Bu haqda Rossiya Ichki ishlar vazirligining Shimoliy Kavkaz federal okrugi bo‘yicha boshqarmasi ma’lum qildi.

Foto: Ramazan Rashidov / TASS
«Tartibsizliklarning 150 dan ortiq faol ishtirokchilari aniqlanib, ulardan 60 nafari ushlandi hamda qo‘shimcha tergov o‘tkazish uchun ichki ishlar organlariga olib ketildi. Qonunga zid harakatlar natijasida 9 nafar militsiya xodimi tan jarohati olgan, ulardan ikki nafari shifoxonada», — deyiladi boshqarma xabarida.
29 oktyabr oqshomida Tel-Avivdan Mahachqal’aga Red Wings aviakompaniyasining muntazam reysi yetib kelishidan biroz oldin aeroportga bir necha yuz kishi yig‘ildi. Axborot agentligi suratlarida ularning ba’zilari Falastin bayroqlarini hilpiratganini ko‘rish mumkin. OAV va Telegram-kanallari xabarlariga ko‘ra, olomon uchish-qo‘nish yo‘lagiga bostirib kirgan. Yig‘ilganlar aeroportdan chiqayotgan mashinalarni to‘xtatgan, u yerdagilarning pasportlari ruxsatsiz tekshirilgan.
Politsiya darhol tartibni tiklay olmadi. Dog‘iston Sog‘liqni saqlash vazirligi ma’lumotlariga ko‘ra, tartibsizliklar natijasida 20 kishi, jumladan, politsiya xodimlari ham jabrlangan.
Mahachqal’a aeroporti faoliyati 6 noyabrga qadar to‘xtatildi. 30 oktyabrga o‘tar kechasi Rossiya gvardiyasining maxsus bo‘linmalari Mahachqal’aga yetib keldi. Tergov qo‘mitasining Dog‘iston bo‘yicha departamenti ommaviy tartibsizliklar fakti bo‘yicha jinoiy ish qo‘zg‘atdi. Ayni paytda Isroil rasmiylari Moskvani Rossiya hududidagi yahudiy isroilliklarning xavfsizligini ta’minlashga chaqirdi.
«Dog‘iston hukumati uchun kecha-yu kunduzlik ish tartibi e’lon qilindi», — dedi respublika hukumati rahbari Abdumuslim Abdumuslimov 29 oktyabr, yakshanba kuni kechqurun Mahachqal’a aeroportidagi tartibsizliklar tufayli tashkil etilgan tezkor shtab ishini ochar ekan.
«Biz Falastin aholisiga har tomonlama hamdardmiz va fuqarolarimizning his-tuyg‘ularini tushunamiz. Lekin vahima tarqatib bo‘lmaydi. Dog‘istonliklar azaldan muvozanatli va adolatli odamlardir. Biz respublikadagi vaziyatning izdan chiqishiga yo‘l qo‘ymaymiz», deb ta’kidladi u so‘nggi voqealarni sharhlar ekan.
Keyinroq Dog‘iston hukumati matbuot xizmati respublika shahar va tumanlarida xavfsizlik choralari kuchaytirilganini ma’lum qildi. Ular «tekshiruv va tiklash tadbirlari o‘tkazilgandan so‘ng yaqin kunlarda» Mahachqal’a aeroporti faoliyatini tiklashga va’da berdi. «Hozirda vaziyat Dog‘iston Respublikasi rahbari Sergey Melikov va barcha darajadagi hokimiyatlar nazoratida», — deyiladi xabarda.
Tavsiya etamiz
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
So‘nggi yangiliklar
-
Tramp BRICS tashkilotiga tezda barham berish bilan tahdid qildi
Jahon | 21:18
-
Saudiya Arabistoni xorijliklarga ko‘chmas mulk sotib olish shartlarini yengillashtiradi
Jahon | 20:51
-
Turkiy birlik darvozasi – Zangezur koridori atrofida nimalar bo‘lmoqda?
Jahon | 20:28
-
Air China O‘zbekistonga birinchi parvozni amalga oshirdi
O‘zbekiston | 20:19
Mavzuga oid

14:59 / 14.07.2025
Londondagi "Sautend" aeroporti samolyot falokatidan keyin yopildi

18:03 / 09.07.2025
AQSh aeroportlarida tekshiruvdan o‘tishda poyabzal yechish talabi bekor qilindi

21:44 / 26.06.2025
Yaponiyada ayiq aeroport faoliyatini falajlab qo‘ydi

18:13 / 19.06.2025