Sel va suv oqimlarini xavfsiz o‘tkazish tadbirlariga 115 mlrd so‘m yo‘naltirildi - FVV

2023 yilda toshqin suvlari, sel va suv oqimlarini xavfsiz o‘tkazish bo‘yicha Yig‘ma manzilli dastur asosida respublika budjeti hisobidan 115 mlrd so‘mlik ish bajarilgan. Bu haqda Favqulodda vaziyatlar vazirligi boshqarma boshlig‘i Furqat Abdiqodirov ma’lum qildi. 

Qayd qilinishicha, Favquloda vaziyatlar, Ekologiya, atrof-muhitni muhofaza qilish va iqlim o‘zgarishi, Tog‘-kon sanoati va geologiya, Suv xo‘jaligi vazirliklari va boshqa mas’ul idoralar xodimlaridan iborat ishchi guruhlar tomonidan sel, toshqin va ko‘chki xavfi mavjud hududlar o‘rganib chiqilgan. 1027 ta xo‘jalik, 5127 nafar fuqaro vaqtinchalik xavfsiz hududlarga ko‘chirilib, 137 ta xo‘jalik, 674 nafar fuqarolar muhandislik-muhofaza tadbirlari to‘liq amalga oshirilgani munosabati bilan sel va toshqin suvlaridan muhofaza qilingan. 

Shuningdek, 2023 yilda toshqin suvlari, sel va suv oqimlarini xavfsiz o‘tkazish bo‘yicha Yig‘ma manzilli dastur asosida 67 ta suv obektida, respublika budjeti hisobidan 115 mlrd so‘m, 2588 ming kub.m. tuproq, 249961 kub.m., 32526 kub.m. beton va 430 tonna temir ishlari bajarilgan.