Chernogoriyada dangasalik chempionati yakunlandi - g‘olib 50 kun yotdi 

Chernogoriyaning Brezna shahrida dangasalik bo‘yicha navbatdagi chempionat yakunlandi. Dastlabki kunlarda unda 21 kishi qatnashdi. Uch hafta o‘tgach, faqat 7 nafari musobaqani davom ettirdi, oxirgi kuni esa — uch nafari. 

Finalchilar 36 yoshli Gordana Filipovich, shuningdek, 23 yoshli Filip Knezevich va Lidiya Markovich – barchasi chernogoriyalik. Ular 50 kun (1200 soat) yotishga muvaffaq bo‘lishdi. 

Gordana birinchi taslim bo‘ldi. Filipp va Lidiya bir vaqtning o‘zida o‘rnidan turdi, shundan so‘ng yigit o‘z do‘stiga g‘olib deb nomlanish huquqini berdi. U 1000 yevro miqdoridagi pul mukofotini oldi. 

Bu yil dangasalar chempionati 18 avgust kuni 107 yoshdan oshgan daraxt tagida boshlandi. Keyin ishtirokchilar uyga ko‘chib o‘tishdi. 

Chempionat qoidalariga ko‘ra, ishtirokchilarga o‘tirish va turish taqiqlanadi, lekin har sakkiz soatda bir marta 10 daqiqa davomida hojatxonaga borishi mumkin. Tashkilotchilar tomonidan «yalqovlar»ga oziq-ovqat va ichimliklar taqdim etildi.