Temiryo‘l orqali yuk tashishning yangi qoidalari joriy etiladi

Qoidalar O‘zbekiston hududida temiryo‘llarda yuklar xususiyatlarini inobatga olgan holda harakat xavfsizligini, yuklar va harakatdagi temiryo‘l tarkibi butligini ta’minlashga yo‘naltirilgan.

Foto: Kun.uz

Transport vazirining buyrug‘i bilan respublika temiryo‘l transportida yuk tashish qoidalari tasdiqlandi. Ular 24.12.2023 yildan kuchga kiradi.

Qoidalar O‘zbekiston hududida temiryo‘llarda yuklarning xususiyatlarini inobatga olgan holda harakat xavfsizligini, yuklar va harakatdagi temiryo‘l tarkibining butligini ta’minlashga yo‘naltirilgan. Hujjat ekologik xavfsizlikni ta’minlash maqsadida umumiy foydalaniladigan temiryo‘l transportida yuk tashuvlarining o‘ziga xos xususiyatlarini hisobga olgan holda tashkil etishga yo‘naltirilgan.

Yuk tashuvlarini amalga oshirish uchun temiryo‘l tashuvchisi va yuk jo‘natuvchi o‘rtasida tashish shartnomasi tuziladi hamda unga asosan temiryo‘l transporti (tashuvchi) unga ishonib topshirilgan yukni but holda va o‘z vaqtida jo‘natish punktidan belgilangan punktgacha yetkazib berish majburiyatini o‘z zimmasiga oladi, yuk jo‘natuvchi (yukni oluvchi) esa tashish haqini to‘lash va yukni qabul qilishni ta’minlash majburiyatini zimmasiga oladi.

Temiryo‘l transportidagi yuk tashuvlari bilan bog‘liq hujjatlar, shu jumladan temiryo‘l yukxati, yuklarni tashish buyurtmalari va boshqa hujjatlar elektron shaklda rasmiylashtirilishi mumkin.

#temiryo‘l #yuk