Payme ajdodlarimizning jahon yutuqlariga bag‘ishlangan tabriknomalar to‘plamini tayyorladi

Biz O‘zbekistonning buyuk xalqi merosi haqida tez-tez gapiramiz – lekin ularning jahon ilm-fani va madaniyatiga qo‘shgan hissasi naqadar ulkan ekanini tushunamizmi?

Bu yil O‘zbekiston Respublikasi mustaqilligining 32 yilligini nishonlaymiz — buning sharafiga Payme mobil ilovasi jamoasi o‘tmishdagi allomalarimizni eslab, ularning faxrlanishga arzigulik eng katta yutuqlari haqida so‘zlab berdi.

Ilovada maxsus tabriknomalar paydo bo‘ldi, ularning har biri ma’lum bir ajdod hayotidagi ajoyib fakt haqida hikoya qiladi — masalan, tabriknomalarda Mirzo Ulug‘bek dunyoda birinchi bo‘lib yilning davomiyligini aniqlagani haqida, yoki Ibn Sino Lui Pasterdan 800 yil avval viruslarni yuqumli kasalliklarning asosiy sababi sifatida qayd etgani haqida gap ketadi.

To‘plamda jami 6 ta tabriknoma mavjud bo‘lib, ularda Zahiriddin Muhammad Bobur, Al-Farg‘oniy, Al-Xorazmiy, Mirzo Ulug‘bek, Beruniy va Abu Ali Ibn Sinolar qayd etilgan.

"Biz o‘tmishdagi buyuk O‘zbekistonliklarning yutuqlari bizni yangi g‘alabalarga ilhomlantirishi mumkinligiga ishonamiz. Shu sababli, O‘zbekiston mustaqilligi kuni kabi muhim sana sharafiga biz shu kungacha faxrlanib kelayotgan ajdodlarimizni yana bir bor eslashga qaror qildik", — deydi Payme jamoasi.

Paymeʼda tabriknomalar allaqachon mavjud – ilovaga o‘ting, “O‘tkazmalar” bo‘limini oching, qabul qiluvchini tanlang va “Tabriknomani biriktirish” tugmasini bosing.

Reklama