Litseylarga o‘quvchilarni tanlab olish bir bosqichli kirish test sinovi shaklida amalga oshiriladi

Vazirlar Mahkamasining «Akademik litseylarga o‘quvchilarni o‘qishga qabul qilish, o‘qishini ko‘chirish, qayta tiklash va o‘qishdan chetlatish tartibini takomillashtirish haqida»gi qarori loyihasi e’lon qilindi.

Loyiha bo‘yicha akademik litseylarga o‘quvchilarni tanlab olish bir bosqichli kirish test sinovlari shaklida amalga oshirilishi belgilab qo‘yiladi.

Barcha akademik litseylarga kirish test sinovlari Bilim va malakalarni baholash agentligi tomonidan maxsus hududlarda o‘tkaziladi.

Fan olimpiadalari, tanlovlar g‘oliblari va umumta’lim fanlarini o‘zlashtirish sertifikatiga ega bo‘lganlar uchun imtiyozlar qo‘llaniladi.

Shuningdek, akademik litsey o‘quvchilari:

a) doimiy yashash uchun boshqa hududga yoki mamlakatga chiqib ketganda;
salomatligi tufayli (tibbiy komissiya ma’lumotnomasi asosida) akademik ta’til olganda;
sudning qarori bilan ozodlikdan mahrum etilganda;
vafot etganligi sababi bo‘yicha o‘quv yili davomida;

b) o‘qishi boshqa akademik litseyga ko‘chirilishi munosabati bilan;
o‘quvchining, uning ota-onasi yoki ularning o‘rnini bosuvchi shaxslarning tashabbuslariga ko‘ra o‘z arizasiga muvofiq;
o‘quvchi tomonidan o‘quv dasturi va o‘quv rejasi talablari bajarilmaganda (semestr yakuni bo‘yicha ikki yoki undan ortiq fanni «qoniqarsiz» bahoga o‘zlashtirgan, 76 soat sababsiz dars mashg‘ulotlarini qoldirgan) yoki tartib-qoidalarni qo‘pol ravishda buzganda esa o‘quv semestri tamom bo‘lganidan so‘ng o‘qishdan chetlatilishi qat’iy belgilab qo‘yildi.

#test #litsey