Qoʻshimcha funksionallar
-
Tungi ko‘rinish
10 kun ichida deyarli 1,5 tonna sifatsiz go‘shtning Toshkentga olib kirilishi to‘xtatib qolindi
Xususan, 10 avgust kuni veterinariya hujjatlari bo‘lmagan 1,1 tonna noma’lum hayvon go‘shti poytaxtga olib kirilayotgani aniqlangan.
Foto: Toshkent shahar IIBB
Avgust oyining 10 kuni davomida Toshkentga 1 497 kg sifatsiz go‘sht mahsulotlari olib kirilishining oldi olindi.
Toshkent shahar IIBB xabariga ko‘ra, bu boradagi tadbirlarni boshqarmaning Karantin tadbirlarini ta’minlash guruhi va Sanitariya-epidemiologiya xizmati birgalikda olib borgan.
“Misol uchun, joriy yilning 10 avgust kuni Chilonzor tumani TXAY bo‘ylab o‘tkazilgan tungi tadbir paytida Samarqand-Toshkent yo‘nalishi bo‘ylab harakatlanayotgan 28 yoshli Qodirjon X. boshqaruvidagi “ISUZU” rusumli avtotransport vositasi to‘xtatildi. Tekshiruv jarayonida veterinariya hujjatlariga ega bo‘lmagan, maydalangan va muzlatilgan holdagi jami 1 111 kg noma’lum hayvon go‘shti olib ketilayotgani ma’lum bo‘ldi.
Go‘sht mahsulotlari laboratoriyaga tekshirish uchun yuborildi”, – deyiladi xabarda.
