Amnesty: 21 mingdan ortiq rossiyalik urushni tanqid qilgani uchun jazolandi
Amnesty International tashkilotining yangi hisobotiga ko‘ra, minglab rossiyaliklar urushga qarshi pozitsiyasi uchun jarima yoki qamoq jazosiga tortilgan.

Foto: Contributor/Getty Images
Birgina 2022 yilda Rossiyada 21 mingdan ortiq odam urushga qarshi pozitsiyasi uchun jazolandi. Bu haqda Amnesty International xalqaro inson huquqlari tashkilotining 20 iyul, payshanba kuni chop etilgan yangi hisobotida aytiladi.
«Rossiyada norozi fikrlilarni bostirish keng qamrovli. Bir qator chora-tadbirlar Rossiya urushiga qarshi tanqidiy ovozlarni o‘chirishga qaratilgan», - deydi huquq himoyachilari. Hisobotda Rossiya hukumati Ukrainaga qarshi urushni qoralaganlarni qanday bostirishi tahlil qilingan, shuningdek, Rossiyada urushga qarshi harakatni bostirish uchun qo‘llaniladigan qonunlar va amaliyotlar ko‘rib chiqilgan. «Ushbu tizimdagi o‘ta adolatsiz jarayonlar qamoq va katta jarimalarga olib keladi», dedi Amnesty International tashkilotining Germaniyadagi bosh kotibi vazifasini bajaruvchi Yuliya Duxrov.
Tashkilot ma’lumotlariga ko‘ra, Rossiyada urushga qarshi pozitsiyasi uchun ta’qibga uchraganlarning aksariyati jarimaga tortilgan, ulardan 2307 nafari hibsga olingan. Tadqiqotda aytilishicha, 150dan ortiq odam «armiya haqidagi feyklar» va Rossiya qurolli kuchlarini «takroriy obro‘sizlantirish» haqidagi moddalar bo‘yicha jalb qilingan. Rossiyada qabul qilingan repressiv qonunlar mualliflar tomonidan «absurd» deb atalgan.
Bundan tashqari, Amnesty rossiyaliklar lagerlarga hukm qilingan holatlarni hujjatlashtirgan, tashkilot endi ularni siyosiy mahbuslar deb hisoblaydi. Huquq faollari Rossiya hukumatini urushga qarshi pozitsiyasi uchun hibsga olinganlarning barchasini ozod qilishga va repressiv qonunlarni bekor qilishga chaqirdi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27
-
Malayziya O‘zbekistonda avtoyo‘llar holati bo‘yicha ma’lumot bazasini yaratadi
O‘zbekiston | 15:06
-
AEXA Suriyadagi yadroviy inshootlarni tekshirishga ruxsat oldi
Jahon | 14:42
-
O‘zbekiston va Yaponiya vizani liberallashtirish masalasini o‘rganmoqda
O‘zbekiston | 14:21
Mavzuga oid

13:16
Zelenskiy: «Kim Rossiyaga bosim o‘tkazmasa, u sherikdir»

10:22
Ekspertlar: Rossiyaga bombardimonchilarni almashtirish uchun yillar kerak bo‘ladi

09:41
RFda sudlangan amerikalik Tater Rossiyani tark etdi

09:03