Qoʻshimcha funksionallar
-
Tungi ko‘rinish
“Qarashlarimiz OAVda muhokama qilinganidan ko‘ra qat’iyroq” - Markaziy bank P2P nazoratiga qarshi
“Bank siri to‘g‘risidagi normalarning bajarilishi to‘liq ta’minlanmaguncha, bu narsaga ruxsat bermaymiz”, – deb bayonot berdi MB raisi Mamarizo Nurmurodov kartadan kartaga o‘tkazmalar nazorati haqida Kun.uz muxbiri bergan savolga javoban. Uning so‘zlariga ko‘ra, regulyator bu boradagi salbiy munosabatini vazirlikka yetkazgan.

O‘zbekiston Markaziy banki hukumatning bank kartalari o‘rtasidagi pul o‘tkazmalaridan xabardor bo‘lib turishga intilishini qo‘llab-quvvatlamaydi. Bu haqda regulyator rahbari Mamarizo Nurmurodov 4 may kuni o‘tkazilgan matbuot anjumanida Kun.uz muxbirining savoliga javoban ma’lum qildi.
“Biz o‘zimizning fikrimizni matbuot orqali yetkazmaganimizni Markaziy bank o‘z fikrini bildirmagan deb baholamaslik kerak. Biz bu farmon chiqqanidan keyin o‘zimizning salbiy munosabatimizni Soliq qo‘mitasiga, Iqtisodiyot va moliya vazirligiga yetkazganmiz.
Bizning qarashlarimiz OAVda muhokama qilinganidan ko‘ra qat’iyroq. Va biz buni yetkazganmiz.
Buning asosiy tub maqsadi nima ekani haqida haligacha ma’lumot olganimiz yo‘q. Bu narsa 1 maydan qo‘llanilmaydi. Eng asosiysi, siz aytib o‘tgan konstitutsion norma, bank qonunchiligidagi daxlsizlik normalari bo‘yicha tamoyillar to‘liq bajarilmaydigan bo‘lsa, buni amalda qo‘llash bo‘yicha nizomlar va boshqa qarashlar Markaziy bank tomonidan ma’qullanmaydi. Chunki bu narsa Markaziy bank bilan kelishilgan nizom yoki ko‘rsatmadan so‘ng amalga oshishi kerak”, – dedi Nurmurodov.
MB raisiga ko‘ra, banklardan ma’lumot so‘rash uchun ma’lum bir tartib, nizom bo‘lishi kerak, bu nizom Markaziy bank bilan kelishilmasdan banklarga yetkazilmaydi.
“Konstitutsiyadagi normalar va bank qonunida belgilangan bank siri to‘g‘risidagi normalarning bajarilishi to‘liq ta’minlanmaguncha, bu narsaga ruxsat bermaymiz”, – dedi monetar siyosat organi rahbari.
Eslatib o‘tamiz, Iqtisodiyot va moliya vazirligi banklar va to‘lov tashkilotlaridan kartadan kartaga pul o‘tkazmalari uchun hisobvaraq-faktura rasmiylashtirish va buni soliq organlariga uzatib turishni talab qilmoqda. Vazirlikning bu talabi 1 maydan kuchga kirishi ko‘zda tutilgan edi.
Kun.uz bu talabning Konstitutsiyaga, banklar va to‘lov tashkilotlariga oid qonunlarga zidligi haqida bir necha marta yozdi. Shu paytga qadar na vazirlik, na qo‘mitadan bu masalada biror bir reaksiya bo‘lgani yo‘q.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Ikkinchi mutaxassislikka qabul boshlandi
O‘zbekiston | 23:51 / 10.07.2025
-
Toshkentda suv quvuri kuchli bosim ostida yorilib ketdi, o‘zbekistonliklar tomonidan Shengen vizasi uchun topshirilgan arizalar soni oshdi - mahalliy dayjest
O‘zbekiston | 23:48 / 10.07.2025
-
Zelenskiy Ukrainaning AQShdagi elchisini almashtirmoqchi ekanini tasdiqladi
Jahon | 23:42 / 10.07.2025
-
Rossiyalik fermerlar hosilni yig‘ish uchun migrantlar yetishmayotganidan shikoyat qildi
Jahon | 23:17 / 10.07.2025
Mavzuga oid

21:57 / 08.07.2025
O‘zbekistonning oltin-valuta zaxiralari 6 oy ichida ilk marta kamaydi

12:40 / 25.06.2025
Bankni tugatishga oid qoidalar belgilandi

09:17 / 20.06.2025
Markaziy bank 13 ta bankka jarima sanksiyasi qo‘lladi

16:51 / 18.06.2025