O‘zbekiston havoning ifloslanishi bo‘yicha dunyoda 20-o‘rinni egalladi

O‘zbekiston havoning ifloslanishi bo‘yicha yillik reytingda dunyo mamlakatlari orasida 33.5 mkg/ m3 natija bilan 20-o‘rinni egalladi.

Foto: Kun.uz

“O‘zgidromet” mutaxassisi Erkin Abdulahadovning yozishicha, bunda PM2.5’ning yillik konsentratsiyasi me’yorlardan 6.7 marta yuqoriligini ko‘rsatmoqda (JSST tomonidan belgilangan me’yor - 5 mkg/ m3). O‘zbekistonning reytingdagi o‘rni Toshkent shahridagi kuzatuv stansiyasi ma’lumotlari asosida shakllantirilgan.

Markaziy Osiyoda faqat Tojikiston bizdan yuqori o‘rinda turibdi. Qozog‘istonning 5 ta shahri JSST tomonidan belgilangan me’yorlardan past darajada.

Havosi eng toza davlatlar Avstraliya, Yangi Zelandiya, Grenada, Finlandiya, Estoniya va Islandiyadir.

Iqtisodiy jihatdan rivojlangan davlatlarning (AQSh, Buyuk Britaniya, Shveytsariya) reyting quyi pog‘onalarini egallashining sababi ushbu davlatlarda atrof-muhitni muhofaza qilishda ilg‘or texnologiyalardan foydalangan holda injyeneriyaning keng jalb qilinishi hamda texnik tartibga solish hujjatlarining o‘rni yuqoriligidadir.

Toshkent havosi haqida odamlar nima deydi?

#havo #ifloslanish