«Ramshtayn» 15 mart kuni Ukrainaga yangi yordamni muhokama qiladi

Shuningdek, u Mikolayiv va Odessa viloyatlariga tashrif buyurgan Niderlandiya mudofaa vazirligi rahbari Kaysa Ollongren bilan «Ramshtayn» formatidagi navbatdagi uchrashuvga tayyorgarlik bo‘yicha muhim masalalarni» muhokama qilganini aytdi.

Bundan tashqari, Reznikov amerikalik hamkasbi Lloyd Ostin bilan telefon orqali muloqot qilgan hamda «hamkorlik va g‘alaba sari yo‘l» haqida fikr almashgan.

Avvalroq Yevropa Ittifoqining bosh diplomati Ukraina va xalqaro prokuraturaga harbiy jinoyatlarni tergov qilish uchun yangi harbiy yordam berilishini bildirgandi.

Yevropa Ittifoqi mamlakatlari tashqi ishlar vazirlari kengashi Ukrainaga Yevropa tinchlik jamg‘armasi (European Peace Facility) orqali umumiy qiymati 500 million yevro bo‘lgan yettinchi harbiy yordam transhini berishga kelishib oldi. Bu haqda Yevropa Ittifoqining tashqi ishlar va xavfsizlik bo‘yicha oliy vakili Jozep Borrel ma’lum qilgan.

U, shuningdek, YeI davlatlari tomonidan Ukraina harbiylarini tayyorlash bo‘yicha Yevropa Ittifoqining maxsus missiyasi uchun yana 45 million yevro ajratish bo‘yicha kelishuvga erishilganini ma’lum qildi. 15 000 nafar ukrainalik askarni asosiy tayyorgarlikdan o‘tkazish uchun mo‘ljallangan ushbu missiya 2022 yil oxirida Polshada boshlangan.