YouTube shaxsiy radiostansiya yaratish imkonini beradi

Radio Builder deb nomlangan funksiya orqali ijrochilarni tanlaysiz, qolganini algoritmning o‘zi bajaradi.

Foto: Reuters

Google platformasi YouTube Music foydalanuvchilariga ma’lum bir san’atkor asosida o‘z radiostansiyasini yaratish va qo‘shiqlarni ijro etish tartibini belgilaydigan algoritmni o‘rnatish imkoniyatini berishni boshladi. The Verge xabariga ko‘ra, Radio Builder deb nomlangan funksiya allaqachon ba’zi tinglovchilarga taqdim etilgan.

Bu radioga iOS yoki Android ilovasida YouTube Music asosiy sahifasidagi Tune Your Music bo‘limiga o‘tish orqali kirish, shaxsiy radiostansiyani yaratishda 30 tagacha qo‘shiqchini belgilash mumkin. Qulaylik joyi shundaki, ijrochilarning qo‘shiqlarini birma-bir belgilab chiqish shartmas.

YouTube bu xususiyatni o‘tgan yili sinovdan o‘tkaza boshlagan edi. Google matbuot kotibi Pol Pennington so‘zlariga ko‘ra, Radio Builder funksiyasi barchaga bepul taqdim etiladi.

#YouTube #radio