Qoʻshimcha funksionallar
-
Tungi ko‘rinish
UzAuto rahbari: “Avtomobilga navbatlar yo‘q bo‘ladi, faqat ozgina sabr qiling”
“O‘zavtosanoat” raisi Shavkat Umrzoqov avtomobil ishlab chiqarishni ko‘paytirish orqali navbatlar muammosiga barham berilishini aytdi. “Navbat yo‘q bo‘ladi, ishoning, faqat ozgina sabr”, – dedi u.

Shavkat Umrzoqov / Foto: Kun.uz
“O‘zavtosanoat” raisi Shavkat Umrzoqov Asaka shahridagi zavodda Chevrolet Onix avtomobilining taqdimoti vaqtida UzAuto Motors tomonidan xarid qilingan mashinalarni yetkazib berish bilan bog‘liq muammoga to‘xtalib o‘tdi.
Gazeta.uz xabariga ko‘ra, u qo‘shimcha pul to‘lab, avtomobilni navbatsiz olish imkoni yaratilishi, ya’ni xalq orasidagi “shapka”ni qonuniylashtirish mumkinligi borasidagi savolga javob qaytargan.
“Men bu taklifga qarshiman, noto‘g‘ri narsa. Bekorga ishlab chiqarishda 500 ming bilan chegaralanmaymiz demadim. Avtomashinalar navbati butun dunyoda bor. Men bu bilan uni to‘g‘ri ham demoqchimasman. Lekin bu narsa [avtomobil yetkazib berish muddatini kamaytirish]ni faqat mashina ko‘p ishlab chiqarish bilan yengamiz. O‘zimizda ishlab chiqarilayotgan mashinani tezroq olish uchun ko‘proq pul to‘lang, desak, noto‘g‘ri bo‘ladi”, – dedi “O‘zavtosanoat” rahbari.
Uning so‘zlariga ko‘ra, kompaniya oldida juda ko‘p tashqi va ichki muammolar turibdi. Umrzoqov bunga misol sifatida 2018 yilda bir konteyner narxi 5 ming dollar bo‘lgani, hozir 15 ming dollargacha oshganini keltirdi.
“Mashinamizni qimmatlashyapti deymiz, lekin dollarga chaqsak, shu kungacha arzonlashdi. Shuncha soliq to‘layapmiz, loyihalarning bir so‘mini ham davlatdan olmayapmiz, o‘zimizning daromadimiz yoki rivojlanishimizni ko‘rib, pullarni tashqi moliyaviy institutlar beryapti”, – dedi Shavkat Umrzoqov.
“Andijonning o‘zida bu yil 250−300 mln dollarlik to‘rtta yangi zavod quradigan bo‘ldik. Bu nima beradi? Tasavvur qiling, 2016 yil 80 ming mashina chiqqan, 2017 yil 120 ming chiqqan. Bugun 330 ming chiqaryapmiz. Bu yil 400 mingdan oshiq chiqaramiz. Navbat yo‘q bo‘ladi, ishoning, faqat ozgina sabr [qiling]”, – dedi “O‘zavtosanoat” raisi.
Eslatib o‘tamiz, prezident Shavkat Mirziyoyev 2022 yilning fevral oyida mashinasozlik sanoati bo‘yicha yig‘ilish o‘tkazib, avtomobillar uchun oldindan to‘lov miqdorini 85 foizdan 50 foizga pasaytirishga va 1 maygacha avtomobil sotib olishdagi navbatlarni to‘liq bartaraf etishga ko‘rsatma bergandi. Shuningdek, navbatda turgan xaridorlarga avtomobili yetkazib beriladigan aniq sana ko‘rsatilgan xabarnoma yo‘llanishi aytilgandi.
Oldindan to‘lov miqdori 50 foizga tushirilgan bo‘lsa-da, bir necha oylik navbatlar saqlanib qolmoqda.
Tavsiya etamiz
“Rossiya urushga chuqur kirib ketdi, undan chiqishi imkonsiz” - siyosatshunos
Jahon | 18:20 / 28.07.2025
Ukrainada siyosiy inqiroz. Nega bunday bo‘ldi va buyog‘iga nima bo‘ladi?
Jahon | 17:56 / 27.07.2025
Davlat oliygohlari uchun kvotalar tasdiqlandi
O‘zbekiston | 23:49 / 25.07.2025
O‘zbekistonda pensiya miqdori qanday hisoblanadi? – muhim savollarga javoblar
O‘zbekiston | 23:34 / 25.07.2025
So‘nggi yangiliklar
-
“Asialuxe Travel” kompaniyasi “Yoz, shoshma!” aksiyasini e’lon qiladi
O‘zbekiston | 09:00
-
Quyoshda qolgan ichimliklar gormonal buzilish va boshqa xavfli kasalliklarni yuzaga keltirishi mumkin
Sog‘lom hayot | 13:02
-
Buloqboshi tumanidagi kanalga neft oqib ketdi
O‘zbekiston | 12:29
-
O‘zbekiston va Airbus havo kemalari parkini kengaytirishga kelishib oldi
O‘zbekiston | 12:11
Mavzuga oid

15:07 / 26.07.2025
Porscheʼning avtobiznesdan foydasi ikkinchi chorakda 91 foizga kamaydi

23:01 / 25.07.2025
Qimmat benzin, sharoiti yo‘q poyezdlar va muammoli UzIMEI - Iste’molchi huquqi himoya qilinyaptimi?

20:03 / 22.07.2025
Kun.uz surishtiruvlaridan so‘ng ishonchnomaga avtomobilni chet elga olib chiqishga oid band kiritish taklif etilmoqda

12:30 / 19.07.2025