Nodirbek Abdusattorov Niderlandiyadagi turnirni 2-o‘rinda yakunladi

Niderlandiyaning Veyk-an-Zeye shahrida «Tata Steel Chess-2023» turniri yakuniga yetdi. 29 yanvar kuni bo‘lib o‘tgan turnirning so‘nggi, 13-turida Nodirbek Abdusattorov mezbon shaxmatchi Yorden van Forestga qarshi bahs yuritib, imkoniyatni boy berdi. 

A brilliant tournament by Nodirbek Abdusattorov ends with a loss, but what a performance throughout 13 rounds! 🥹👏 pic.twitter.com/Dh8prjIQH4

— Chess.com (@chesscom) January 29, 2023

Shu tariqa, turnir davomida peshqadam bo‘lib kelgan o‘zbekistonlik shaxmatchi o‘zini durang ham qoniqtirishi mumkin bo‘lgan holatda yutqazgach, musobaqani 8 ochko bilan 2-o‘rinda yakunlaydigan bo‘ldi. So‘nggi turdagi muvaffaqiyati evaziga 8,5 ochko jamg‘argan niderlandiyalik Anish Giri esa Masters guruhi g‘olibiga aylandi.

♟| BREAKING | Anish Giri wins the 2023 Tata Steel Chess Tournament

As Anish Giri won his final game, Nodirbek Abdusattorov did not manage to hold of Van Foreest. Tournament Ambassador Anish Giri is now the 85th Tata Steel Chess Champion! #TataSteelChess pic.twitter.com/Rm4pT6Zr9m

— Tata Steel Chess (@tatasteelchess) January 29, 2023

Abdusattorov turnir davomida biror marta mag‘lubiyatga uchramay, 4 bahsda g‘olib bo‘lgan, 5-turdan buyon peshqadamlikni hech kimga bermay kelayotgandi. O‘zbekistonlik shaxmatchi Rapport, Parham, Magnus Karlsen va Arjun Erigaisini mag‘lub etib, qolgan raqiblari bilan durang qayd etgandi. 

Challengers guruhida esa o‘zbekistonlik yana bir shaxmatchi Javohir Sindorov so‘nggi turda niderlandiyalik Tomas Beyerdsenni mag‘lubiyatga uchratib, 8,5 ochko bilan 3-o‘rinni egalladi.