Qo‘shimcha talab etiladigan 37,5 ming tonna piyoz 1 aprelgacha ichki bozorlarga kiritiladi

U ichki iste’mol bozoriga piyoz mahsulotini kafolatli yetkazib berish, uning zaxirasi, yetishmaydigan qismini qoplash bo‘yicha amalga oshirilayotgan chora-tadbirlar haqida ma’lumot berdi.

23 yanvar kuni o‘tkazilgan monitoringlarda saralanmagan piyozning ulgurji narxlari o‘rtacha 6 500 so‘mni, dehqon bozorlaridagi arzonlashtirilgan maxsus rastalarda  5000 so‘mni, savdo markazlari va supermarketlarda 7 700 so‘mni tashkil etgan.

Mutaxassislar fikriga ko‘ra, mahsulot to‘liq nobud bo‘lishi oldini olish maqsadida ustki qismi muzlagan piyozni havo mo‘’tadillashgunga qadar joyidan qo‘zg‘atmaslik kerak. 

Bugungi kun holatiga ko‘ra, hukumat qaroriga muvofiq hududlarda tashkil etilgan zaxiralarda 51 ming tonna, aholi xonadonlarida 200 ming tonna piyoz zaxirasi mavjud.

Zaxiraga jamg‘arilgan mahsulotlarning barchasi tuman hokimligi va Departament organlari bilan birgalikda bozorlarda tashkil etilgan arzonlashtirilgan maxsus rastalar hamda mahallalardagi ko‘chma savdo yarmarkalari orqali aholiga manzilli ravishda yetkazib borilmoqda.

Ichki iste’mol bozorining piyozga bo‘lgan ehtiyojini kafolatli ta’minlash hamda narxlarning o‘sishining oldini olish maqsadida 1 aprelga qadar qo‘shimcha talab etiladigan 37,5 ming tonna piyozning bozorlarga kiritish chora-tadbirlari belgilab olindi.

Bundan tashqari, respublikadagi ayrim hududlarning ehtiyojidan ortiq miqdorda yetishtirilgan piyozni boshqa hududlarga manzilli yetkazish maqsadida bozorlardagi qo‘shimcha ehtiyoj kundalik monitoring qilib borilmoqda.