Qoʻshimcha funksionallar
-
Tungi ko‘rinish
Hukumat rasmiylari G‘afur G‘ulom bog‘ining nomini o‘zgartirmaslik masalasida tadbirkor bilan uchrashuv o‘tkazdi
Rasmiy xabarga ko‘ra, rasmiylar bilan uchrashuvda tadbirkor bog‘ning nomini o‘zgartirishga “hech qanday xohishi yo‘qligi”ni va O‘zbekiston qonunlarini hurmat qilishini aytgan. “Dream Park” va “Orzular bog‘i” degan nomlardan “faqat savdo belgisi sifatida” foydalanishini bildirgan.

Foto: Ma’naviyat va davlat tili masalalari departamenti matbuot xizmati
26 oktyabr kuni rasmiy shaxslar va Singapurning “BMP Smart Decision Private Limited” kompaniyasi rahbariyati o‘rtasida G‘afur G‘ulom nomidagi istirohat bog‘ining nomi o‘zgarishi bo‘yicha ijtimoiy tarmoqlardagi shov-shuvlar yuzasidan uchrashuv o‘tkazildi.
Uchrashuvda Vazirlar Mahkamasining Ma’naviyat va davlat tilini rivojlantirish masalalari departamenti bo‘lim mudiri U.Mahmudov, Toshkent shahar hokimi o‘rinbosari A.Xen, hokimning davlat tili masalalari bo‘yicha maslahatchisi A.Ro‘zitoyev, Toponimika bo‘limi boshlig‘i A.Jabborov, kompaniya rahbari O.Mirzajonov va uning o‘rinbosari Z.Mirzaulug‘ov ishtirok etgan.
Departament xabariga ko‘ra, uchrashuvda tadbirkor bog‘ning nomi o‘zgarmasligini, O‘zbekiston qonunlarini hurmat qilishini, bog‘ning nomini o‘zgartirishga “hech qanday xohishi yo‘qligi”ni aytgan.
“Dream Park” va “Orzular bog‘i” degan nomlardan “faqat savdo belgisi sifatida” foydalanishini bildirgan.
Uchrashuvda tadbirkorga “Geografik obektlarning nomlari to‘g‘risida”gi qonun talablari haqida ma’lumot berilgan.
Eslatib o‘tamiz, G‘afur G‘ulom bog‘i “Dream Park” nomi bilan qayta ochilishi haqida avvaliga Chilonzor tumani hokimligi matbuot xizmati e’lon qilgan edi. Shundan keyin xalq o‘rganib qolgan nom ajnabiy so‘zlar bilan almashayotgani e’tirozlarga sabab bo‘lgach, hokimlik matbuot xizmati bu boradagi xabarini tahrirladi.
Uch yildan buyon ta’mirlash ishlari sabab yopiq bo‘lgan G‘afur G‘ulom bog‘i tez kunlarda ochilishi va’da qilingan. Chilonzor tumani hokimligi bog‘ hali ochilmagani, attraksionlarning xavfsizligini sinash ishlari yakunlangach, rasmiy ochilish marosimi bo‘lishini ma’lum qilgan.
Bog‘ Singapurda ro‘yxatdan o‘tgan, O‘zbekiston fuqarosiga tegishli “BMP Smart Decision Private Limited” kompaniyasiga 49 yilga ijaraga berilgan. Ijara shartnomasining shartlari keng ommaga ochiqlanmagan.
Tavsiya etamiz
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
O‘zbekistonning 5 ta viloyatida sel xavfi e’lon qilindi
O‘zbekiston | 13:18 / 08.07.2025
So‘nggi yangiliklar
-
Makron G‘azoda o‘t ochishni to‘xtatishga va Ukrainani qo‘llab-quvvatlashga chaqirdi
Jahon | 07:13
-
Yaponiyalik olimlar ozishning kutilmagan usulini ishlab chiqadi
Jamiyat | 00:31
-
OpenAI sun’iy intellekt asosidagi brauzerini ishga tushiradi
Fan-texnika | 00:11
-
Yevrokomissiya migrantlar oqimi sabab Afrikaga yordam ko‘rsatishni to‘xtatishi mumkin
Jahon | 23:41 / 09.07.2025
Mavzuga oid

09:05 / 09.07.2025
Iroqda saqlanayotgan noyob asar Toshkentda namoyish etilishi mumkin

19:36 / 08.07.2025
Toshkentda Tico yo‘lni kesib o‘tayotgan 3 yoshli bolani urib yubordi

23:41 / 07.07.2025
Toshkentda 19 yoshli qiz harakatdagi Nexiaʼdan sakrab tushib qoldi

19:00 / 07.07.2025