Qoʻshimcha funksionallar
-
Tungi ko‘rinish
Braziliya prezidenti noqulay savollar bergan blogerning telefonini tortib olishga urindi
Jair Bolsonaru o‘tirgan avtomobil yonida uning tarafdorlari yig‘ilgan bo‘lib, ular orasida bloger Lean Uilker ham bo‘lgan. U o‘zini prezident fonida videoga ola boshlagan va Bolsonaruga noqulay savollar bergan.
Foto: Videodan kadr
Braziliya prezidenti Jair Bolsonaru o‘ziga noqulay savollar bergan Youtube-blogerning telefonini tortib olishga urindi. Bu haqda G1 portali xabar berdi.
Ma’lumot berilishicha, voqea prezident o‘z qarorgohini tark etayotgan vaqtda sodir bo‘lgan. Bolsonaru o‘tirgan avtomobil yonida uning tarafdorlari yig‘ilgan bo‘lib, ular orasida bloger Lean Uilker ham bo‘lgan. U o‘zini prezident fonida videoga ola boshlagan va Bolsonaruga noqulay savollar bergan.
Braziliya prezidentini qurshab turganlardan biri blogerni turtib yuborgan. Bloger yiqilib tushgan, lekin gapirishdan to‘xtamagan. Shunda Bolsonaru uning oldiga borgan va Uilkerning qo‘lidagi telefonni tortib olishga uringan.
Avvalroq Braziliya federal politsiyasi Jair Bolsonaruni COVID-19 pandemiyasi to‘g‘risida noto‘g‘ri ma’lumot tarqatgani uchun mamlakat oliy sudiga chaqirgandi.
Mavzuga oid
20:03 / 19.02.2025
Braziliya Bosh prokuraturasi sobiq prezident Bolsonaruni davlat to‘ntarishiga urinishda aybladi
22:30 / 02.01.2025
“Chumoli”: noldan ko‘tarilgan yigitlar hikoyasi
19:29 / 02.01.2025
Toshkentda bloger «kontent uchun» hojatxona qog‘ozlari bilan ekologiyaga zarar yetkazdi
19:47 / 22.11.2024