Tishlarni "qulflab" qo‘yish orqali ozishga yordam beruvchi qurilma yaratildi
Yangi ixtiro qilingan apparat magnitli qulfdan iborat bo‘lib, uni taqqach tishlar 2 millimetr ochiladi va faqat suyuqlik iste’mol qilish mumkin. Lekin gapirish va nafas olishga xalaqit bermaydi. Bu apparat jarrohlik amaliyoti bilan ozish o‘rniga muqobil bo‘la oladi.

Foto: University of Otago
Yangi Zelandiyaning Otago universiteti va Buyuk Britaniya olimlari global semizlik muammosiga qarshi kurashish uchun maxsus apparat yaratishdi.
DentalSlim Diet Control – stomatolog tomonidan yuqori va pastki tishlarga o‘rnatiladigan ichki og‘iz qurilmasi bo‘lib, tishlarni qulflaydi. Qulf esa maxsus magnitdan tayyorlangan. Bu qurilma o‘rnatilgach, og‘izni 2 millimetr ochib suyuqlik iste’mol qilish mumkin, biroq gapirish va nafas olishga xalaqit bermaydi.
Tadqiqotda qatnashgan ishtirokchilar 2 haftada 6,36 kg vazn yo‘qotishgan. Otago universiteti sog‘liqni saqlash fanlari bo‘yicha yetakchi tadqiqotchi Pol Brutonning qayd etishicha, qurilma ortiqcha vazn bilan kurashayotgan kishilar uchun xavfsiz. Uni stomatolog o‘rnatadi, foydalanuvchilarning o‘zi yechib qo‘yishi mumkin. Bitta qulf ikkinchi marta ham ishlatilishi mumkin.
Pol Brutonga ko‘ra, odamlar vazn tashlashda, asosan, qoidalarga rioya qilishga qiynaladi. Yangi qurilma esa ularning yangi odatlarga, past kaloriyali parhezga o‘rganishlariga yordam beradi. Shuningdek, bu apparat tejamkor, jarrohlik amaliyoti bilan ozish o‘rniga jozibali muqobil bo‘la oladi, salbiy oqibatlari yo‘q deb hisoblanmoqda.
Apparatdan 2-3 hafta foydalangan odam uzoq muddatli samarali oza olishiga ishonadi va keyin uni yechib qo‘yib ham parhez asosida ozishni davom ettiraversa bo‘ladi.
Tadqiqotlarga ko‘ra, dunyo aholisining 1,9 mlrdi ortiqcha vazndan aziyat chekadi. 650 mln odam haddan ortiq semirib ketgan. Har yili 2,8 mln o‘lim ortiqcha vazn sabab sodir bo‘ladi. Agar vaziyat shunday davom etsa, 2030 yilga kelib dunyo aholisining 57 foizi ortiqcha vaznga duchor bo‘lishi mumkin.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
Xorijda qarovsiz qolgan o‘zbekistonlik bolalar aniqlandi
Jamiyat | 12:21
-
Britaniya Jamoatlar palatasi evtanaziya to‘g‘risidagi qonun loyihasini ma’qulladi
Jahon | 12:07
-
O‘zbekistonlik olimlar qovunning yangi navlarini yaratmoqda
O‘zbekiston | 11:46
-
AQShda universitetlarga tadqiqot uchun to‘lovlar kamaytirilishi bloklandi
Jahon | 11:20
Mavzuga oid

17:46 / 15.04.2025
Jonni xatarga qo‘yib... “Oshqozon”siz ozish orzusi haqida

13:51 / 06.01.2025
Tadqiqot: ozish uchun qancha vaqt mashq qilish kerak?

18:46 / 08.11.2024
Nonushta qilmaslik diabet va semizlikka olib kelishi mumkin - diyetolog

20:49 / 01.03.2024