Samarqandda 2022 yil ijtimoiy obektlar qurish va ta’mirlashga 1,2 trln so‘m ajratiladi

Unda aytilishicha, 2022 yil viloyat bo‘yicha 143 ta obektda qurilish-ta’mirlash va jihozlash ishlari amalga oshirilib, buning uchun 1,2 trln so‘m mablag‘ ajratiladi. Xususan, 20,5 km ichimlik suvi va 1,3 km oqova suv tarmoqlari, 4 ta suv inshooti quriladi.

Shuningdek, mahalla, qishloqlarda 95,7 mlrd so‘m hisobiga 382,6 km ichimlik suv va suv oqova tarmog‘i, 45 ta yangi inshootlar qurilib, rekonstruksiya qilinadi. Natijada 135,1 ming aholi ilk bor toza ichimlik suvi bilan ta’minlanadi. 57,9 ming aholining ichimlik suvi ta’minoti yaxshilanadi. Viloyatning markazlashgan ichimlik suvi bilan qamrov darajasi 64 foizdan 66 foizga yetadi.

Shuningdek, 26 km umumiy foydalanishdagi yo‘llar va Samarqand tumanidan o‘tgan M39 Olma ota-Bishkek-Toshkent-Termiz xalqaro avtomobil yo‘lining 1083 km.dagi yangi yo‘l o‘tkazgichni qurish hamda Kattaqo‘rg‘on tumanidagi 4R243 Payshanba q.-Kattaqo‘rg‘on sh. avtomobil yo‘lining Qoradaryo ustidan o‘tgan ko‘prikni rekonstruksiya qilish ishlari davom ettirish uchun 146,9 mlrd so‘m mablag‘ ajratiladi. Mahalla va qishloqlarda 186,9 mlrd so‘m hisobidan 322,7 km  ichki yo‘llar ta’mirlanadi. Natijada, ichki yo‘llarning ta’mirlanganlik darajasi 68,8 foizdan 76,2 foizga yetadi.

Bundan tashqari, ijtimoiy-madaniy obektlarni ta’mirlash, rekonstruksiya qilish uchun ham qariyb 500 mlrd so‘m ajratilmoqda.