Qoʻshimcha funksionallar
-
Tungi ko‘rinish
O‘zbekistonlik kurashchi doping sababli to‘rt yilga musobaqalardan chetlashtirildi
O‘zbekistonlik yunon-rum kurashchisi Sultonbek Elmurodov doping tufayli to‘rt yilga musobaqalardan chetlashtirildi. Bu haqda Milliy antidoping agentligi matbuot xizmati xabar bermoqda.
Foto: TASS
Qayd etilishicha, O‘zbekiston Milliy antidoping agentligi huzuridagi Axloq komissiyasining qaroriga ko‘ra sportchi Sultonbek Elmurodovdan (sport turi – yunon-rum kurashi) 2021 yil oktabr oyida musobaqadan tashqari davrda olingan doping-sinamasidan taqiqlangan «Furosemid» moddasi aniqlangan.
Shu bois, S.Elmurodov Butunjahon antidoping kodeksining 2.1-moddasida ko‘zda tutilgan antidoping qoidabuzarligi uchun 2021 yil 23 dekabrdan boshlab 2025 yil 22 dekabrga qadar, 4 yil muddatga diskvalifikatsiya qilindi.
«Furosemid» Butunjahon antidoping agentligi (WADA) tomonidan taqiqlangan, sababi u tanadan noqonuniy dorilar (eritropoetin, gormonlar)ni tezda chiqarib tashlaydi.
«Furosemid» izlari har yili 100 ga yaqin holatda turli sport turlari bo‘yicha sportchilarning namunalarida topiladi. Sinxron suzish va badiiy gimnastikada modda og‘irlikni nazorat qilish uchun ishlatiladi.
Mavzuga oid
17:04 / 15.02.2025
Dunyoning birinchi raqamli raketkasi «atrofidagilarning beparvoligi» uchun diskvalifikatsiya qilindi
18:41 / 22.10.2024
Osiyo o‘yinlari chempioni Shohmurod Xolmurodov doping tufayli jazolandi
19:08 / 07.08.2024
Og‘ir atletika bo‘yicha O‘zbekiston chempioni doping tufayli diskvalifikatsiya qilindi
22:06 / 26.07.2024