Senat raisi Tanzila Norboyeva Xorazmda bo‘ldi
Oliy Majlis Senati raisi Tanzila Norboyeva 6 oktabr kuni Xorazm viloyatiga tashrif buyurdi.

Dastlab u Urganch shahar hokimi Oybek Xolboyev hamrohligida «Ishga marhamat» monomarkazi faoliyati bilan tanishdi. Tinglovchilar bilan xususiy va kichik biznes, oilaviy tadbirkorlik, hunarmandchilikni rivojlantirish masalalari, muammolari to‘g‘risida suhbatlashdi. Tadbirkorlarga yaratilayotgan imkoniyatlar va imtiyozlardan unumli foydalanish va yangi ish o‘rinlarini tashkil etish chora-tadbirlariga alohida urg‘u berib o‘tdi.

Senat raisi Urganch tumani hokimi Frunze Sharipov hamrohligida «Turkmanlar» mahallasidagi «Ulli hovli» yodgorlik majmuasiga bordi va tarixiy eksponatlar bilan tanishdi. Shuningdek, turkman ayollari va «Ayollar daftari»da turgan xotin-qizlar bilan uchrashib, ularning muammolari va takliflarini eshitdi.

So‘ngra, Yangibozor tumanidagi «Ocha qal'a» mahallasida «Ayollar maslahat kengashi» a'zolari va faol ayollar bilan uchrashib, xotin-qizlarga oid masalalar, bugungi islohotlar va muammolar haqida suhbatlashdi.

Shundan so‘ng, Tanzila Norboyeva Yangibozor tumanida yangi kutubxonaning tantanali ochilishi marosimida ishtirok etdi. Tadbirda tuman hokimi O‘ktam Qurbonov, bir guruh faollar va yoshlar ham qatnashdilar.

Ma'naviyat va ma'rifat maskanida ochilgan kutubxonada 100 mingdan ziyod turli adabiyotlar to‘plangan. Alisher Navoiy nomidagi milliy kutubxona bilan internet orqali to‘g‘ridan-to‘g‘ri aloqa o‘rnatilgan.

Mavzuga oid

10:52 / 15.03.2025
Xorazm viloyati IIBga yangi rahbar tayinlandi

21:03 / 14.03.2025
Biz O‘zbekistonni Rossiyaning 10 ta ishonchli hamkorlaridan biri deb hisoblaymiz - Vyacheslav Volodin

22:08 / 24.02.2025
Xorazmda ota o‘z o‘g‘li, kelini va nabirasiga ov miltig‘idan o‘q uzdi

14:21 / 20.02.2025