Surxondaryoda fuqaroning pochta sifatida bergan pullarini o‘zlashtirgan taksichiga jinoiy ish qo‘zg‘atildi

Foto: KUN.UZ

Surxondaryoda fuqaroning pochta sifatida bergan pullarini aytilgan manzilga yetkazmasdan, o‘zlashtirib yuborgan taksichiga jinoiy ish qo‘zg‘atilgan. Bu haqda viloyat IIB xabar bermoqda.

Ma'lum qilinishicha, 2021 yil 26 iyul kuni Bandixon tumani Bahoriston mahallasida yashovchi E.Nurjahon Termiz shahar IIBga ariza bilan murojaat qilgan. U o‘z murojaatida joriy yil 24 iyun kuni Denov tumani Guliston mahallasida yashovchi Yu.Ma'ruf Termizdagi avtoshohbekatda 150 AQSh dollar pulini Uzun tumaniga pochta tarzida olib borib berishini aytib olganini, ammo pullarni o‘zining ehtiyojlari uchun ishlatib yuborganligini ma'lum qilgan.

Qayd etilishicha, joriy yil 6 avgust kuni Yu.Ma'rufga nisbatan Jinoyat kodeksining 168-moddasi 1-qismi bilan jinoyat ishi qo‘zg‘atilgan.

Surxondaryoda fuqaroning pullarini o‘zlashtirgan shaxsga jinoiy ish qo‘zg‘atildi

#Surxondaryo #pochta #taksi