Qoʻshimcha funksionallar
-
Tungi ko‘rinish
So‘lim Shohimardonda sayohat mavsumi boshlandi - fotogalereya
Shohimardonda sayohat mavsumini ochish bo‘yicha tadbir bo‘lib o‘tdi. Viloyat hokimi Xayrullo Bozorov rahbarligidagi delegatsiya Qirg‘izistonning Botken viloyati rahbarlari bilan birga Shohimardonni sayohatga ochish jarayonida ishtirok etishdi.
Hazrat Ali ziyoratgohida boshlangan uchrashuv Shohimardonning janubiy tarafida davom ettirildi, dengiz sathidan 3 000 metr balandlikda, tog‘lar bag‘rida joylashgan Qurbon ko‘liga o‘tuvchi osma dor yo‘lini qayta ochish marosimi bo‘lib o‘tdi.
Tadbir so‘ngida o‘zbek va qirg‘iz xalqlari san'atkorlari ishtirokidagi konsert namoyish qilindi.
Shohimardon — O‘zbekistonning Qirg‘iziston hududida joylashgan eksklavi. U Farg‘ona viloyati, Farg‘ona tumaniga qaraydi. Qishloq aholisi 6500 kishidan ziyodroq.
Shohimardonning to‘rt tomoni ham tog‘lardan iborat. Hududidan Oqsuv va Ko‘ksuv soylari oqib o‘tadi. Bu soylar Shohimardon qishlog‘i markazida birlashib, Oqsuv nomi bilan Qirg‘iziston hududi orqali Vodil qishlog‘iga yetib, Marg‘ilonsoy nomi bilan Marg‘ilon shahri va undan keyingi qishloqlargacha yetib boradi.
Shohimardon — Farg‘ona viloyatining eng mashhur kurort maskani. Mahalliy aholi qishloqni «Farg‘ona Shveytsariyasi», deb ham atashadi. Go‘zal qishloq Oqqiya, Yordon qishloqlari orasida joylashgan. Shu yerda toshbo‘ron qilingan Hamza Hakimzoda Niyoziy xotirasiga sovet yillarida Hamzaobod deb atab kelingan. Keyinchalik uning tarixiy nomi qaytarilgan.
Chegaradagi muammolar sabab Shohimardon qishlog‘i bir muddat jo‘shqin hayotdan uzilib qolgandi. Turistlar oqimi ham kamaygan.
Qishloqqa borgan Farg‘ona viloyati hokimi Xayrullo Bozorov mikroavtobuslar qatnovi tiklanishi, qishloq obodonlashtirilishini e'lon qildi. Go‘zal go‘shada turizmni rivojlantirish borasida amaliy ishlar boshlab yuborildi.
Sarvar Ziyayev, Kun.uz muxbiri.
Tavsiya etamiz
Germaniyaga ishga yuborish bilan bog‘liq firibgarlik holati aniqlandi
Jamiyat | 15:33 / 23.07.2025
O‘zbekistonda iPhone narxlari qimmatlashdi. Nega?
Iqtisodiyot | 21:38 / 22.07.2025
Toshkentda bemorga shilqimlik qilgan shifokor 5 sutkaga qamaldi
Jamiyat | 15:28 / 22.07.2025
Tarkibida kuchli ta’sir qiluvchi moddalar bo‘lgan ozdiruvchi qahvalar savdosiga chek qo‘yildi
Jamiyat | 09:27 / 22.07.2025
So‘nggi yangiliklar
-
Ukrainada korrupsiyaga qarshi kurash agentliklari bilan bog‘liq vaziyat bo‘yicha namoyishlar davom etmoqda
Jahon | 12:15
-
Tailand va Kambodja chegarasida qurolli to‘qnashuv bo‘lmoqda
Jahon | 12:05
-
Farg‘onada avtomobil daraxtga urilishi oqibatida yo‘lovchi halok bo‘ldi
Jamiyat | 11:58
-
Rossiya va Kiyev muzokaralar raundidan so‘ng dron hujumlari bilan almashdi
Jahon | 11:47
Mavzuga oid

08:30 / 22.07.2025
Qirg‘iziston O‘zbekistonda kigiz mahsulotlari ishlab chiqarmoqchi

21:03 / 18.07.2025
Qirg‘izistonda Tojikiston va O‘zbekiston bilan tutash chegaralar to‘g‘risidagi shartnoma ratifikatsiya qilindi

19:04 / 18.07.2025
«Xitoy - Qirg‘iziston - O‘zbekiston» yo‘nalishi bo‘yicha birinchi yuk poyezdi yo‘lga chiqdi

09:22 / 18.07.2025