«Ayniqsa yoshi kattalar ko‘p aldanyapti» - Aziz Toshpo‘latov bank kartalaridagi pullar o‘g‘irlanishi haqida

Toshkent shahar Ichki ishlar bosh boshqarmasi boshlig‘i, general-mayor Aziz Toshpo‘latov 23 fevral kungi press-turda firibgarlik jinoyatlari yildan yilga ortib borayotgani haqida to‘xtaldi.

«Firibgar bo‘lishdan uyalmay qo‘ygan fuqarolarimiz bor. Oson pul topish uchun birovni aldab, tadbirkorlik qilamiz, deb qarzga moddiy yordam olib, keyin berishmayapti. Bu ayollar orasida ham ko‘paygan.

O‘zaro tanish-bilishlar orasida firibgarliklar ko‘paygan. Ishonib, yo qarzga, yoki birgalikda tadbirkorlik, oldi-sotdi qiladi, pulini bermaydi», – ta'kidladi general.

{Yii::t(}

O'tkazib yuborish 6s

O'tkazib yuborish

Aziz To‘shpo‘latov so‘nggi paytlarda birovning plastik kartasidagi pulni yechib olish holatlari ortib borayotganini ham aytib o‘tdi.

«Ayniqsa, yoshi katta fuqarolarimiz juda ko‘p aldanib qolyapti. Biz prokuratura va boshqa huquqni muhofaza qiluvchi idoralar bilan bu bo‘yicha ikki-uch marta seminarlar o‘tkazdik, kecha ham hamma bank vakillarini yig‘ib, Toshkent shahar prokuraturasida shu masalada yig‘ilish o‘tkazdik. Qanday qilib himoyalaymiz?

Bu – chet ellarda eng ko‘p uchraydigan jinoyat turlaridan. Mana, sekin-sekin O‘zbekistonga ham kirib kelyapti. Ayniqsa, Toshkentda bu narsa sezila boshladi.

Telefoniga SMS keladi: «Siz falonchi aksiyada yutdingiz, kartochkangiz raqami va kodini yuborsangiz, sizga 1 million so‘m yutuqni o‘tkazib beramiz». Ko‘p fuqarolarimiz kartochkasining raqamini, kodini berib yuboryapti. Bu kod – xavfsizlik himoya vositasi. Uni biron odamga berish mumkin emas», – dedi poytaxt IIBB boshlig‘i.

Mavzuga oid: