Netanyaxu general Sulaymoniyning o‘ldirilishi sababli Gretsiyaga tashrifini muddatidan avval yakunladi

Binyamin Netanyaxu / Foto: EPA-EFE/RONEN ZVULUN / POOL

Isroil bosh vaziri Binyamin Netanyaxu Eron generali Qosim Sulaymoniyning o‘ldirilishi sababli o‘zining Gretsiyaga tashrifini yakunladi. Bu haqda o‘z manbasiga tayanib Reuters agentligi xabar berdi.

"Bosh vazir Netanyaxu Eron generali Qosim Sulaymoniyning o‘ldirilishi sababli o‘zining Gretsiyaga tashrifini yakunladi", - dedi agentlik suhbatdoshi.

Isroil hukumati rahbari Gretsiya, Isroil va Kipr o‘rtasidagi Sharqiy O‘rta yer dengizi gaz quvuri bo‘yicha davlatlararo kelishuvni imzolash uchun Gretsiyaga borgandi.

3 yanvarga o‘tar kechasi Bag‘dod aeroporti hududida AQSh aviazarbalari oqibatida Islom inqilobi muhofizlari korpusi (IIMK) tarkibidagi «Al-Quds» maxsus bo‘linmasi qo‘mondoni general Qosim Sulaymoniy halok bo‘ldi.

Eron oliy yetakchisi Oyatulloh Ali Xominaiy Iroqda general Qosim Sulaymoniy o‘ldirilgani sababli mamlakatda 3 kunlik milliy motam e'lon qildi va AQShdan buning uchun qasos olinajagini ma'lum qildi.

#Binyamin Netanyaxu #Qosim Sulaymoniy

Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.