Jahon | 10:17 / 12.04.2019
4684
1 daqiqa o‘qiladi

Netanyaxu partiyasi Isroil parlamentida 36 o‘rinni egalladi

Foto: Thomas Coex/AFP/Getty Images

Isroil bosh vaziri Binyamin Netanyaxu boshchiligidagi «Likud» partiyasi ovozlarning 100 foizi hisoblanganidan keyin parlamentda 36 o‘rinni olishi oydinlashdi. Bu haqda TASS xabar bermoqda.

Agentlik ma'lumotlariga ko‘ra, Netanyaxu partiyasining asosiy raqibi - «Kaxol-Lavan» markaziy bloki 35ta mandatga ega bo‘ldi.

Ta'kidlanishicha, ultra diniy partiyalar - ShAS va «Yaxadut xa-Tora» mos ravishda sakkizta hamda yettita o‘rinni qo‘lga kiritdi.

Shu bilan birga, «Avoda» so‘l partiyasi 120 o‘rinli Isroil parlamentida 5 o‘rinni egalladi.

Bundan oldin, Netanyaxu partiyasi Isroildagi saylovlarda yetakchilik qilayotgani xabar berilgandi.

Mavzuga oid