AQShdagi xalqaro aeroport Muhammad Ali nomini oldi

Kentukki shtatidagi Luisvill xalqaro aeroporti nomi Luisvill Muhammad Ali xalqaro aeroportiga o‘zgartirildi.

Aeroport nomi mahalliy aholining ko‘p sonli ovoziga ko‘ra mashhur sportchi, BBC tomonidan asr sportchisi deb topilgan Muhammad Ali (Kassius Marsellus Kley) nomini oldi. Bu haqda tvitterda Muhammad Ali markazi e'lon qilgan.

Ma'lumot uchun, afsonaviy sportchi 1942 yil 17 yanvarda Luisvillda tug‘ilgan va voyaga yetgan. Muhammad Ali yarim og‘ir vaznda 1960 yilgi Olimpiada, og‘ir vaznda mutlaq jahon chempioni (1964—1966, 1974—1978) bo‘lgan.

Bokschi o‘zining Islom diniga e'tiqod va qora tanlilar huquqlari uchun ta'sirli nutqlari bilan ham tanilgan.

Eslatib o‘tamiz, AQSh prezidenti Donald Tramp mashhur bokschidan 1967 yil harbiy xizmatga borishdan bosh tortganligi uchun sud ayblovini olib tashlashi va oqlashini aytgandi.