Farg‘ona va Irkutsk to‘g‘ridan-to‘g‘ri aviareys bilan bog‘lanadi

«IrAero» aviakompaniyasi 18 dekabrdan Irkutskdan Farg‘onaga muntazam reyslarni amalga oshira boshlaydi. Bu haqda aviatashuvchi matbuot xizmati xabar bermoqda.

Parvozlar haftasiga bir marta, seshanba kunlari, Sukhoi Superjet 100’da amalga oshiriladi. Parvozni amalga oshirish davri - 2019 yil 26 martga qadar.

«Interfaks»ga aviakompaniyadan aniqlik kiritishlaricha, «IrAero» Irkutsk oblastidan O‘zbekistonga to‘g‘ridan-to‘g‘ri reyslarni amalga oshiradigan yagona tashuvchi hisoblanadi.

Aviakompaniya xodimi so‘zlariga ko‘ra, reys Irkutskdagi yirik o‘zbek diasporasiga, shuningdek, Rossiya Federatsiyasida ishlovchi O‘zbekiston fuqarolarini tashish uchun mo‘ljallangan.