Eron Ahvozdagi terrorchilik harakati uchun AQShdan o‘ch olishini bildirdi

Eron Ahvozdagi ko‘plab fuqarolar halok bo‘lgan terrorchilik harakati uchun AQSh va Isroildan qasos oladi. Islom inqilobi qo‘riqchilari korpusi bosh qo‘mondonining o‘rinbosari Husayn Salomiy ana shunday bayonot berdi, deb xabar qildi Reuters.

«Sizlar qasosimizni ko‘rdingiz... Javobimiz keskin va yakson qiluvchi bo‘ladi va qilgan ishingiz uchun pushaymon bo‘lasiz», — degan u qurbonlarni so‘nggi yo‘lga kuzatish marosimida.  

Tehron Ahvozdagi teraktda AQShning Fors ko‘rfazidagi ittifoqchilarini aybladi. Reuters’ning qayd etishicha, birinchi navbatda Iroq, Yaman, Livan va Suriyadagi muxolif kuchlarni qo‘llab-quvvatlayotgan Saudiya Arabistoni aybdor.

Eslatib o‘tamiz, 22 sentabr shanba kuni ertalab Eronning janubiy-g‘arbiy qismidagi Ahvoz shahrida harbiy paradda qatnashayotganlarga terrorchilik hujumi uyushtirildi. Hujum natijasida 28 kishi halok bo‘lgan, 60 kishi jabrlangan.