Tvitterda «o‘z mulkini ko‘zdan kechirayotgan» robot videosi barchani hayratga soldi

Tvitterda noma'lum uy hovlisidagi avtomobillar orasida aylanib yurgan robot tasvirlangan video paydo bo‘ldi. Foydalanuvchilarni uning tekis harakatlanishi va atrofni xuddi «odamlardek» ko‘zdan kechirishi hayratlantirdi.

Ayrimlar lavhada haqiqiy robot tasvirlanganiga ishondi.

Aslida esa rolikda rejissyor Nil Blomkampning qisqa metrajli filmlari uchun chizilgan robotlardan biri tasvirlangan. Bu rolikni ilk bor kompyuter modelining yurishi namoyishi sifatida rassomlardan biri o‘z instagramida joylashtirgandi.  

Adam — quvvati tugaguniga qadar shahar bo‘ylab aylanib yuruvchi odamsimon robotlar haqida Nil Blomkamp studiyasi tomonidan suratga olingan qisqa metrajli filmdir.