Mobil ilovalar orqali notarius va FHDYo xizmatlari uchun pul to‘lash imkoniyati yaratilmoqda

Notarial harakatlar va FHDYo organlari xizmatlari uchun to‘lovlarni amalga oshirishda interaktiv xizmatlarni joriy etishni kengaytirish chora-tadbirlari to‘g‘risidagi Hukumat qarori qabul qilindi.

Qarorga muvofiq:

- notarial xizmatlar va FHDYo organlari uchun to‘lovlarni amalga oshirishda interaktiv axborot-kommunikatsiya vositalari, jumladan, bankomat, terminal, infokioska va mobil ilovalar joriy qilinadi;

- tijorat banklari notarial idoralar va FHDYo organlaridagi maxsus kassalar orqali tushayotgan davlat boji to‘lovlari summasining (1%) bir foizi miqdorida mukofot oladi;

- notarial idoralar va FHDYo organlari binosida maxsus kassalar va to‘lov punktlari ochilganligi uchun tijorat banklari va to‘lov punktlari agentlik tarmoqlari ijara to‘lovi, kommunal va ekspluatatsion xizmatlar to‘lovlaridan ozod qilindi.