Bog‘dorchilik, uzumchilik va polizchilik uchun yer uchastkalari olish tartibi qanday?

Foto: KUN.UZ
Qonun hujjatlarida fuqarolarning O‘zbekiston hududida bog‘dorchilik, uzumchilik va polizchilik yuritish uchun yer uchastkalari olish huquqi kafolatlangan, deb yozmoqda “Inson va qonun” nashri.
Xususan, Yer kodeksining 56-moddasida shaharlar va posyolkalarda, shuningdek qishloq aholi punktlarida yashovchi, dehqon xo‘jaligi yuritish uchun tomorqa yer uchastkalariga ega bo‘lmagan fuqarolarga korxonalar, muassasalar va tashkilotlarning iltimosnomasiga binoan jamoa bog‘dorchiligi va uzumchiligi yuritish uchun meros qilib qoldiriladigan umrbod egalik qilishga yoki jamoa polizchiligi uchun vaqtincha foydalanishga yer uchastkasi tuman hokimi tomonidan berilishi nazarda tutilgan.
Jamoa bog‘dorchiligi, uzumchiligi va polizchiligi uchun beriladigan yer uchastkalari ko‘chalar ochish, jamoat imoratlari va inshootlari qurish zarurligi hisobga olingan holda bog‘dorchilik-uzumchilik shirkatining har bir a'zosiga 0,06 gektargacha va polizchilik shirkatining har bir a'zosiga 0,08 gektargacha o‘lchamda belgilanadi.
Bog‘dorchilik-uzumchilik shirkatlari to‘g‘risidagi nizomda jamoaviy bog‘dorchilik va uzumchilikni yuritish uchun fuqarolarga yer uchastkasi korxonalar, tashkilotlar va muassasalarning yoki fuqarolar guruhining iltimosnomasiga binoan, qonun hujjatlarida belgilangan tartibda tuman hokimi tomonidan berilishi belgilab qo‘yilgan.
Tuman hokimining yer uchastkasi berish to‘g‘risidagi qarorida shirkat tashkil etilganligi ko‘rsatiladi va keyinchalik merosga qoldiriladigan umrbod egalik qilish huquqini rasmiylashtirish maqsadida shirkat a'zolarining shirkat har bir a'zosining yer uchastkalari maydoni ko‘rsatilgan holdagi ro‘yxati tasdiqlanadi.
Jamoaviy bog‘dorchilik va uzumchilikni yuritish uchun fuqarolarga berilgan yer uchastkasidan meva, rezavor va boshqa qishloq xo‘jaligi ekinlari o‘stirish uchun foydalaniladi.
Jamoa bog‘dorchiligi, uzumchiligi va polizchiligini tashkil etish uchun fuqarolar bog‘dorchilik-uzumchilik yoki polizchilik shirkatlariga birlashadilar. Ushbu shirkatlar uning a'zoligiga kirishni xohlovchilar kamida 30 kishi bo‘lganda tashkil etilishi mumkin.
Shirkatni tashkil etish uchun unga belgilangan tartibda berilgan yer uchastkasi umumiy foydalaniladigan yerlardan va shirkat a'zolari yerlaridan iborat bo‘ladi.
Shuni ta'kidlab o‘tish kerakki, umumiy foydalaniladigan yerlar shirkatga doimiy foydalanish huquqi bilan beriladi. Shirkat a'zolariga yer uchastkalari jamoaviy bog‘dorchilik va uzumchilikni yuritish uchun merosga qoldiriladigan umrbod egalik qilish huquqi bilan beriladi.
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
So‘nggi yangiliklar
-
AQSh yaqin 48 ichida Eronning ehtimoliy javob zarbasiga tayyorgarlik ko‘rmoqda - NBC News
Jahon | 12:57
-
Neuralink chipi o‘rnatilgan erkak bir haftada fikr kuchi orqali videoo‘yin o‘ynashni o‘rganib oldi
Jahon | 12:28
-
O‘zbekiston elchixonasi Isroildagi vatandoshlardan ehtiyotkorlikni oshirishni so‘radi
O‘zbekiston | 12:06
-
Bu sodir bo‘ldi: AQSh tarixda ilk marta Eronga zarba berdi
Jahon | 11:58
Mavzuga oid

17:15 / 10.06.2025
“Ekishni xohlamaganlarning yeri xitoyliklarga beriladi” – Urgutda fermerlar shunday ogohlantirildi

15:15 / 22.04.2025
Qulupnaychilar qishlog‘i: O‘qchidan reportaj

13:48 / 18.04.2025
Hududlarda yer sotish bilan bog‘liq noqonuniy holatlar aniqlandi

16:12 / 31.03.2025