Jahon | 23:50 / 10.01.2018
9804
2 daqiqa o‘qiladi

Xitoy yaqinida to‘qnashuvdan keyin yonayotgan neft tankeri portladi

Xitoy sohillari yaqinida, Janubiy Xitoy dengizida 6 yanvarda yuk kemasi bilan to‘qnashgan va shundan beri yonayotgan, Eronga qarashli neft tankeri, taxmin qilingandek, portladi. Xitoy transport vazirligi ma'lumotlariga ko‘ra, tanker ekipajining 31 a'zosi taqdiri hanuzgacha noma'lumligicha qolmoqda, faqatgina bir kishi jasadi topilgan.

6 yanvarda Panama bayrog‘i ostida ketayotgan Sanchi tankeri AQShdan Xitoyga g‘alla yetkazishi kerak bo‘lgan yuk kemasi bilan to‘qnashib ketgan. Erondan Janubiy Koreyaga 136 tonna neft olib ketayotgan tanker bortida 30 nafar eronlik va 2 nafar bangladeshlik bo‘lgan. Ularning barchasi ekipaj a'zolari bo‘lgan. Xitoy kemasi uning xavfsizligiga tahdid qilishi mumkin bo‘lgan shikastlar olmagan, uning butun 21 kishilik ekipaji qutqarilgan.

Eronning NITC milliy kompaniyasiga tegishli neft tankeri to‘qnashuvdan keyin yonib ketgan, undagi neft dengizga oqib tushgan. 

Bu NITC tankerlarining oxirgi ikki yildagi ikkinchi falokati bo‘lib, 2016 yilda Eronga qarashli supertanker Singapur yaqinida konteyner tashuvchi kema bilan to‘qnashib ketgan.

 

Mavzuga oid