Toni Bler Suriya va KXDR masalasida Trampning pozitsiyasini ma'qulladi

Buyuk Britaniyaning sobiq bosh vaziri Toni Bler AQSh prezidenti Donald Trampning Suriya va KXDR bo‘yicha harakatlarini qo‘llab-quvvatladi.

Uning so‘zlariga ko‘ra, Tramp Suriyaga raketa zarbalari yo‘llab to‘g‘ri qilgan.

«Biz shunchaki bunga yo‘l qo‘ya olmaymiz. Shimoliy Koreya yadroviy kallaklarga ega ballistik raketaga ega bo‘lmasligi kerak. Biz bunga ruxsat bermasligimiz kerak. Shubha yo‘qki, agar bu ro‘y bersa, dunyo taqdiri xavf ostida qoladi», — degan Bler Daily Mirror uchun bergan intervyusida.

U Britaniyaning amaldagi bosh vaziri Tereza Meyning Tramp bilan do‘stona aloqa olib borayotganini ma'qullagan.

«Men Hillari Klinton tarafdori edim, chunki, Trampni tanimas edim,  Mey u bilan yaxshi munosabat o‘rnatishi muhim», — degan siyosatchi.

Bundan oldinroq Bler Britaniyani qutqarish uchun siyosatga qaytmoqchiligi haqida aytgani haqida xabar berilgandi.