“O‘z kasbining mohir egalarini taqdirlash” tadbirida 420 nafardan ziyod turli soha vakillari diplom va esdalik sovg‘alari bilan taqdirlandi

2016 yilda “O‘z kasbining mohir egalarini taqdirlash” tadbiri Respublika bo‘yicha 4 bosqichda o‘tkazilmoqda. Jumladan, tadbirning birinchi bosqichi avgust oyida korxona va tashkilotlarda, 2-bosqich sentabr oyida tuman va shaharlarda o‘tkazilgan bo‘lsa, 3-bosqich oktabr oyida Qoraqalpog‘iston Respublikasi, viloyatlar va Toshkent shahrida o‘tkazilib, g‘oliblar aniqlandi.

Bugungi kunda Qoraqalpog‘iston Respublikasi, viloyatlar va Toshkent shahar kasaba uyushmalari tashkilotlari birlashmalari tomonidan tanlovning 3-bosqich g‘oliblarini taqdirlash tadbirlari bo‘lib o‘tmoqda. Mazkur tadbirlarda 420 nafardan ziyod ta'lim, fan, madaniyat, san'at, sog‘liqni saqlash, jamoat xizmati, aloqa, aviatsiya, temir yo‘l, transport, yo‘l qurilishi, agrosanoat, iste'mol tovarlari ishlab chiqarish, xizmat ko‘rsatish, neft-gaz, geologiya, energetika, kimyo, kon-metallurgiya, mashinasozlik kabi tarmoqlarda mehnat qilayotgan o‘z kasbining fidoyi egalari kasaba uyushmalarining diplom va esdalik sovg‘alari bilan taqdirlandi. 

Tadbir turli soha xodimlarining o‘zi tanlagan kasbdagi salohiyatini to‘la namoyon etishi, o‘z kasbiga fidoyiligi va ijtimoiy faolligini oshirish, tashabbus va ijodiy izlanishlarini qo‘llab-quvvatlash, mehnat unumdorligini ta'minlash, shuningdek, salohiyatli shogirdlarni tayyorlashiga bo‘lgan intilishlarini qo‘llab-quvvatlashga qartilgan. 

Hududiy bosqichlarda saralanib olingan eng munosib nomzodlar joriy yilning noyabr oyida o‘tkaziladigan tarmoqlar bo‘yicha Respublika bosqichida va dekabr oyida o‘tkaziladigan Respublika final bosqichida ishtirok etish imkoniyatiga ega bo‘ldilar.