Jamiyat | 18:47 / 28.09.2016
8694
2 daqiqa o‘qiladi

OAV 1906 yildayoq gadjyetlarning jamiyatga ta'siridan ogohlantirgan

1906 yilda Britaniyaning Punch jurnali simsiz gadjyetlar tufayli jamiyatda individlarning izolyatsiyasidan ogohlantirgan. Bu haqida Quartz nashri ma'lum qildi. 

Manbada berilgan suratda qo‘llarida simsiz telegraf bo‘lgan ayol va erkak bir-birlariga orqa o‘girib o‘tirishibdi. Maqola mualliflari uning yordamida 1907 yilga prognoz qilishgan. 

Suratning tagida shunday yozuv bor: "Simsiz telegrafiyaning rivojlanishi. Hayd-parkdagi sahna. Bu ikki kishi bir-biri bilan suhbatlashmayapti. Ayol sevgi maktubi oladi, erkak esa - poyga natijalarini". 

Nashr 1879 yilda Punch'da  chiqqan yana bir maqolani yodga soldi. U Skype analogi ta'siri ostida turmush tarzining qanday o‘zgarib ketishi mumkinligidan ogohlantiradi. Ushbu karikatura Edisonning o‘ylab topilgan telefonoskopiga bag‘ishlangan. 

Shuningdek, Quartz yana bir eski suratga e'tiborni qaratdi, unda ommaviy axborot vositalari insonlarni bir-biridan uzoqlashtirishini ko‘rsatib beradi. 

Punch jurnali 161 yil faoliyat olib borgan va 2002 yilda yopilgan. 

 

Mavzuga oid