21-25 июл кунлари жуда иссиқ ҳаво сақланиб туради

21 июл ва кейинги кунларда Ўзбекистон ҳудуди бўйлаб жуда иссиқ об-ҳаво шароити сақланиб туради. Бу ҳақда «Ўзгидромет» хабар берди.

Қайд қилинишича, кундуз кунлари ҳаво ҳарорати +40...+43 даража, жанубда +44...+45 даража атрофида бўлади.

Иш ҳафтасининг иккинчи ярмида ҳам иссиқнинг сезиларди даражада пасайиши кутилмайди. Ҳарорат асосан кундуз кунлари +38...+41 даража атрофида, жанубда баъзи жойларда +42...+43 даражагача бўлиши кутилмоқда. Кечалари ҳарорат +23...+28 даража бўлади.

Ушбу кунларда Ўзбекистоннинг барча ҳудудлари бўйича ёғингарчилик кутилмайди. Республика бўйича баъзи жойларда шамол тезлиги 13-18 м/с гача кучайиши, чанг-тўзонлар билан кузатилиши мумкин.

Тошкент шаҳрида асосан кам булутли об-ҳаво кузатилади, ёғингарчилик кутилмайди. Шамол ўртача тезликкача эсади. Ҳарорат кечалари +23...+26 даража, 21-23 июл кунлари кундузи +40...+42 даража, 24-25 июл кунлари кундузи +38...+40 даража бўлади.