Жаҳон | 22:44 / 30.06.2025
8259
5 дақиқада ўқилади

Америкада ваҳшиёна лагер: ушланган мигрантларни тимсоҳлар қўриқлайди

АҚШнинг Флорида штатида 5 минг мигрантга мўлжалланган катта лагер қурилмоқда. Эътиборли томони лагер атрофи сув билан ўралган бўлиб, тимсоҳлар сузиб юради. Президент Трамп шахсан бу объект ҳақида ҳали гапирмаган, лекин қурилиш федерал рухсати берилган. Инсон ҳуқуқлари фаоллари ва экологлар лагерь қурилишидан норози, Оқ уй эса расмий саҳифаларида объектни тимсоҳлар қўриқлаётгани акс этган расм жойлади.

Video thumbnail
{Yii::t(}
Ўтказиб юбориш 6s

АҚШдан чиқариб юборилиши керак бўлиб, ушланган мигрантлар энди тимсоҳлар қўриқлайдиган махсус лагерга жойлаштирилади. Президент Трампнинг Ultra MAGA (Make America great again) дастури бир қисми сифатида Америкадаги ноқонуний муҳожирларни депортация қилиш қизғин паллага кираркан, ваҳшиёна ташаббус билан Флорида штатида катта мигрантлар лагери қурилмоқда. Ана шу лагер атрофи эса ҳовуз бўлади ва сувда тимсоҳлар сузиб юради.

NBC News бу ҳақида хабар берди. Инсон ҳуқуқлари ҳимоячилари ва экологлар эса бу ташаббусдан ғазабда ва иложи борича бу лагер қурилмаслигини талаб қилишмоқда. Флорида штати губернатори ва прокурори лагерни имкон қадар тезроқ қуриб битказиш ҳаракатида. Тимсоҳлар қўриқлайдиган лагерни қуриш ташаббуси эса NBC News’га кўра, штат прокурори Жеймс Утмайерга тегишли. Объект аллақачон норасмий тарзда “Аллигатор Алкатрас” деб ном олган. Маҳаллий матбуотга кўра, объект 7 кун ичидаёқ тўлиқ қуриб битказилиши керак. Лойиҳа қиймати тахминан 450 миллион долларни ташкил этади.

«Алкатрас» АҚШ тарихидаги энг даҳшатли қамоқхона, ҳозир ёпилган бу объект ўта ноинсоний шароитларга эга бўлиб, ҳеч ким қочиб кетолмайдиган қилиб қурилган эди. Мигрантлар лагери ҳам шу қамоқхонага ўхшатиб қуриляпти.

Калифорния штатидаги Сан-Франциско кўрфазида жойлашган Алкатрас оролидаги қамоқхонадан 1934-1963 йиллардагина фойдаланилган, Қамоқхонани сақлаш харажатлари жуда юқорилиги, иншоот эскириб кетгани ва ноинсоний, ваҳшиёна шароитлар уни ёпишга сабаб бўлган. Оролда жойлашгани боис уни ўраб турган сувлар жуда совуқ ва кучли босимга эга бўлган ҳамда ҳеч ким у ердан қочиб кетолмаган. Турли маълумотларга кўра, Алкатрасда маҳбуслар кийимларсиз, тўшаксиз қоронғида ва ўта нам ҳолатда ушлаб турилган. Сув ва овқат деярли берилмай, руҳий ва жисмоний қийноқларга дучор бўлишган. Кейинчалик қамоқхона ёпилгач, у ҳақида турли филмлар ҳам ишланган. Баъзи маълумотларга кўра, у ердаги маҳбуслар ақлдан озиб, ўз жонига қасд қилган ёки кичик тартибни бузгани учун ойлаб изоляцияларда сақланган.

Мигрантлар лагери қурилишини Оқ уй ҳам мана бу постлари орқали тасдиқлади. Маълум бўлишича, ишлар боришини US Department of Homeland Security, яъни ички хавфсизлик департаменти назорат қилмоқда. Постда “Соming Soon”, яъни тез фурсатларда деган ёзув билан тимсоҳлар қўриқлаб турган объект расми жойланган. Сунъий интеллектда шакллантирилган расмни департамент эълон қилиб, Оқ уй қайта жойлаган. Тимсоҳлар бошида эса ICE, яъни АҚШ Иммиграция ва божхона назорати ёзуви туширилган бош кийимлари ҳам тасвирланган.

Фаоллар бу лагер инсонлар ҳаёти ва атроф-муҳитга зарар етказишидан норозилигини эълон қилган. Президент Трамп ҳали бу объект ҳақида ўз фикрини билдирмади. Бироқ унинг администрациясидан Ички хавфсизлик департаменти бу марказни қуриб, ишга тушириш учун керакли федерал рухсатни бериб бўлди.

“Президент Трамп раҳбарлигида биз жиноятчи ноқонуний муҳожирларни оммавий депортация қилиш бўйича америкаликларнинг талабини бажараётганимиздан фахрланамиз. Биз Флорида билан ҳамкорликда кунлар ичида мигрантлар сақланадиган жойлар ва иншоотларни кенгайтирамиз”, - деган ички хавфсизлик департаменти котиби Кристи Ноэм.

Оқ уй эълон қилган расмлар остига изоҳ ёзганларнинг аксарияти бу ташаббусдан норозилигини билдирган. Баъзилар АҚШнинг бу даврини севдим деса, яна баъзилар бу аккаунт 5 ёшли болакай томонидан бошқариладими? деб ёзган. Менинг тўлаган солиқларим ICE’нинг тимсоҳлари расмини сунъий интеллектда ясашга кетяптими, ҳукуматимиз балоғатга етмаган, бу жуда уятли, ўляпмиз – деб ёзганлар ҳам бор. Яна бир аккаунт фойдаланувчиси эса администрацияни фақат халқаро суд тўхтатиши мумкинлигини билдирган.

Мавзуга оид