Эстония Россия билан чегарада мудофаа чизиғини қуришни бошлади

Эстония жануби-шарқида Болтиқбўйи мудофаа чизиғи қурилиши бошланди. Танкларга қарши зовурлар қурилмоқда. Йил охиригача камида 28 та бункер ва 10 та омборхона қуриш режалаштирилган.

Фото: AP

Эстония мамлакатнинг жануби-шарқий қисмида Россия билан чегарадош ҳудудда танкларга қарши зовурлар қуришни бошлади, улар Россиянинг Украинага қарши давом этаётган агрессияси фонида Латвия ва Литва билан биргаликда яратилаётган Болтиқбўйи мудофаа чизиғи деб аталадиган қисмга айланади. Бу ҳақда 19 июн, пайшанба куни Эстония мудофаа вазирлиги маълум қилди.

«Бевосита билан ҳарбий таҳдид йўқ, лекин асосийси - шайлик. Жиддий мудофаа жиддий тайёргарликдан бошланади», — дейилади идоранинг X ижтимоий тармоғидаги баёнотида.

ERR маълумотларига кўра, ҳозирда чегара чизиғида эни тўрт метр ва чуқурлиги уч метрга тенг танкларга қарши хандақ қазилмоқда. «Танкка қарши зовур душманни тўхтатиб туради, унинг ҳаракатларини секинлаштиради ва у хандақдан ўтиб кетганда, бизнинг қуролларимиз учун жуда яхши нишонга айланади», деди Эстония мудофаа кучлари дивизияси муҳандислик бўлими қўмондони подполковник Айнар Афанасев.

#Россия #Эстония