Эрон Исроил ҳужумлари тугамагунча оташкесим бўйича музокараларга тайёр эмаслигини маълум қилди

Эрон ҳозирда Исроил томонидан амалга оширилаётган ҳужумлар тўхтамагунча оташкесим бўйича жиддий музокараларга киришиш нияти йўқ. Бу ҳақда Reuters агентлигига музокаралар жараёнидан хабардор манба маълум қилган.

Фото: Majid Asgaripour/WANA

Манбанинг сўзларига кўра, Эрон расмийлари Қатар ва Уммон воситачиларини мамлакат Исроилга қарши жавоб амалиётини тўлиқ якунлагунча ҳеч қандай музокараларга киришмаслигини билдирган.

«Эронликлар Қатар ва Уммон воситачиларига шунчаки маълумот бериб қўйди: улар жиддий музокараларни фақат Исроилнинг профилактик ҳужумларига жавоб берилгандан кейин бошлашлари мумкин», — деган манба.

Жума куни эрталаб Исроил Эронга қарши ҳужум бошлаб, унда Эрон ҳарбий қўмондонлигидаги юқори мартабали шахслар йўқ қилингани ва ядровий объектларига зарар етказилгани айтилган.

Эрон эса ушбу ҳужумларга жавобан “дўзах эшикларини очиш” билан таҳдид қилган.

#Эрон #Исроил #Қатар

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.