«Эроннинг ҳужуми зарурат туғилгунича давом этади» — генерал Аҳмад Ваҳиди

Эроннинг Ислом инқилоби муҳофизлари корпуси раҳбарининг ҳарбий маслаҳатчиси генерали Аҳмади Ваҳиди Исроилга қарши бошланган «Ҳақиқий ваъда – 3» (Operation True Promise III) номли жавоб ҳужуми зарурат туғилгунига қадар давом этишини маълум қилди.

13 июн куни кечқурун Эрон давлат телеканалига берган интервюсида бригада генерали Аҳмади Ваҳиди ушбу операция доирасида Эрон томонидан босиб олинган ҳудудларда жойлашган бир қатор Исроил нишонларига зарба берилганини билдирди.

Унинг сўзларига кўра, Неватим ва Овда ҳарбий авиабазалари – Исроилнинг қўмондонлик ва бошқарув маркази ҳамда электрон уруш маркази жойлашган масканлар нишонга олинган. Ваҳиди бу икки база Эронга нисбатан тажовуз манбаи сифатида ишлатилганини таъкидлади.

Шунингдек, ИИМК томонидан зарба берилган бошқа нишонлар қаторида Тел-Авив яқинидаги Тел Ноф авиабазаси, Исроилнинг мудофаа вазирлиги, шунингдек, Тел-Авивдаги саноат ва ҳарбий марказлар бўлгани қайд этилган.

Ваҳидининг сўзларига кўра, операцияни режалаштирувчилар жами 150 дан ортиқ нишонни белгилаб, уларга бир неча босқичда зарба берган.

«Исроил режими Эронни нишонга олиш орқали оғир хатога йўл қўйди ва ционистлар бу ҳаракатлар оқибатига тайёр бўлишлари керак», дея генерал Ваҳидининг сўзларини келтирмоқда Меҳр ахборот агентлиги.