Украинанинг тинчлик меморандуми мазмуни маълум бўлди
У ўт очишни тўхтатиш қоидалари ва халқаро назорат ҳақидаги бандлардан иборат.

Фото: The New York Times
Украинанинг урушни тугатиш ҳақидаги меморандуми қуруқликда, денгизда ва ҳавода ўт очишни тўхтатиш қоидаларини ўз ичига олади ва ҳужжатга кўра, мониторинг халқаро ҳамкорлар томонидан амалга оширилиши керак. Бу ҳақда The New York Times (NYT) нашрига аноним равишда Украинанинг юқори мартабали амалдори маълум қилди.
Нашрнинг ёзишича, шу ҳафтада АҚШ Украинадан ушбу меморандумни олган, бироқ Россиядан тегишли ҳужжатни кутмоқда. Бу ҳақда АҚШ президентининг махсус вакили Кит Келлог маълум қилди. Унинг сўзларига кўра, Россия бундай меморандумни топширмаган тақдирда ҳам Украина музокаралардан воз кечмаслиги керак.
Келлогнинг айтишича, Украина меморандумида 22 та банд бор ва бу «етарли ва оқилона».
Ўз навбатида, Украина ташқи ишлар вазири Андрей Сибига 30 май куни Россияни музокараларни кечиктираётганликда айблади. Унинг таъкидлашича, Москва ҳалигача тинчлик шартлари ёзилган меморандумни тақдим этмаган.
Вазирнинг сўзларига кўра, Украина ўз делегациясини Москва 2 июнь куни Истанбулда ўтказишни таклиф қилган музокараларнинг навбатдаги босқичига юборишдан олдин ушбу ҳужжатни кўрмоқчи.
«Киевнинг мақсади аввало сулҳни таъминлаш, кейин эса кенгроқ тинчлик келишуви бўйича музокараларга ўтиш бўлиб қолмоқда. Россия ўт очишни тўхтатишга унчалик қизиқмаяпти. Бунинг ўрнига у музокаралар урушнинг «асосий сабабларини» ҳал қилишга қаратилишини истаётганини бир неча бор айтган. Масалан, НАТОни шарққа кенгайтирмаслик. Киев ва иттифоқчилар буни Украинани бўйсундириш сифатида қабул қилмоқда», деб қўшимча қилди NYT.
Украина президенти Владимир Зеленский 29 май куни кечки нутқида Россия ўзи ваъда қилган меморандумни топширмаганини таъкидлаган эди. Унинг айтишича, Россия урушни чўзмоқда ва Москвага таъсир ўтказмоқчи бўлган давлатларни шунчаки «алдаш учун» қўлидан келган барча ишни қиляпти.
Шу билан бирга, Украина Ташқи ишлар вазирлиги матбуот котиби Георгий Тихий нега россияликлар тинчлик ҳақидаги «меморандум»ни топширишдан «қўрқишаётганини» тушунтирди. Унинг сўзларига кўра, Россия ўзида мавжуд бўлган нореал ультиматумлар туфайли буни қилишни истамаяпти.
Тавсия этамиз
Швейцариядаги қишлоққа кўчиб келган сайёҳларга 24 минг доллардан пул тўланади
Жаҳон | 01:36 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Сўнгги янгиликлар
-
Карлови Вари — Европанинг асосий соғломлаштириш жойи
Жамият | 15:00 / 09.06.2025
-
Россияда оғир аҳволда қолган ўзбекистонликлар ватанга қайтарилди
Ўзбекистон | 00:28
-
Британияда 400 мингдан ортиқ давлат хизматчиси сунъий интеллектдан фойдаланишга ўқитилади
Фан-техника | 00:07
-
Навоий учун Хитойдан 42 та замонавий автобус олиб келинди
Ўзбекистон | 00:00
Мавзуга оид

00:28
Россияда оғир аҳволда қолган ўзбекистонликлар ватанга қайтарилди

22:38 / 09.06.2025
Саида Мирзиёева АҚШ давлат котиби ёрдамчиси билан учрашув ўтказди

21:24 / 09.06.2025
“Урушга боришни хоҳламаганларни отиб ташлашди” – “Вагнер”га ёлланган йигит ҳикояси

21:09 / 09.06.2025