Трампнинг Путинга нисбатан сабри тугашни бошлади — Финландия президенти
Александр Стубб АҚШ ва Украина президентлари билан телефон орқали мулоқот қилди. Финландия етакчисига кўра, охирги икки ҳафтада ишлар «Украина учун ижобий йўналишда» силжиган.

Фото: Reuters
Финландия президенти Александр Стубб Доналд Трамп билан бўлиб ўтган телефон суҳбатидан кейин унинг «сабри тугашни бошлагани»ни маълум қилди.
Стуббнинг сўзларига кўра, 17 май куни у Трамп билан телефон орқали узоқ гаплашган, якшанба куни эрталаб эса Украина президенти Володимир Зеленский билан қўнғироқлашган.
«Зеленский сабрли, аммо Трамп [Владимир] Путинга нисбатан сабрини йўқотишни бошлаган», — дейди Стубб STT’га берган интервюсида.
Унинг таъкидлашича, охирги икки ҳафтада ишлар «Украина учун ижобий йўналишда» силжиган. Стуббнинг қўшимча қилишича, Финландия Зеленскийнинг 24-25 июн кунлари Ҳаагада бўлиб ўтадиган НАТО саммитидаги иштирокини қўллаб-қувватлайди.
14 май куни Италиянинг ANSA агентлиги дипломатик манбаларига таяниб, АҚШ Зеленскийнинг НАТО саммитига таклиф қилинишига қарши экани ҳақида ёзди. Ҳозирча саммитда иштирок этиш учун алянс таркибига кирмайдиган фақат тўртта давлат — Япония, Жанубий Корея, Австралия ва Янги Зеландия таклиф олган.
Мавзуга оид

22:45 / 25.06.2025
Трамп Украинадаги вазият назоратдан чиқиб кетганини маълум қилди

19:52 / 25.06.2025
Зеленский Трамп билан НАТО саммитида учрашди

15:58 / 25.06.2025
Трамп Эронга берилган зарбаларни Хиросима ва Нагасаки портлашларига қиёслади

12:16 / 25.06.2025