"А.М. Best Company" халқаро рейтинг агентлиги "Ўзбекинвест" компанияси рейтингларини "Барқарор" прогноз билан "b"/"bb" даражасида тасдиқлади

Бунда, "A.M. Best" агентлиги "Ўзбекинвест"нинг молиявий барқарорлик рейтингини (FCR) "B" даражасида ва эмитентнинг узоқ муддатли кредит рейтингини (ICR) "bb" даражасида тасдиқлади ва иккала рейтинг бўйича ҳам прогнозни "Барқарор" деб белгилади.

"A.M. Best" таъкидлашича, кучли капиталлаштириш ва капитал етарлилиги коэффициентини максимал баҳолашга асосланган баланснинг юқори барқарорлиги, активларни "AAA" кредит рейтингига эга халқаро бозорларда жойлаштиришни назарда тутилган консерватив инвестиция сиёсати, шунингдек, рисклар таҳлилини такомиллаштириши билан биргаликда, андеррайтинг натижаларини сезиларли даражада яхшилаш имконини берди.

Шундай қилиб, 2023 йил якунига кўра, бирлаштирилган коэффициент 85 фоизни ташкил этди. Кўрсатиб ўтилган омиллар ялпи мукофотдаги улуши 60 фоизга етган кирувчи қайта суғуртанинг ривожланиши билан биргаликда "Ўзбекинвест" компаниясининг Ўзбекистон суғурта бозорида етакчи ўринни эгаллашини таъминлади.

"A.M. Best Company" томонидан халқаро рейтинг даражасининг тасдиқланиши компаниянинг юқори даражадаги кредитга лаёқатлилигидан далолат беради ва унинг халқаро суғурта ва қайта суғурта бозорларида фаолиятини фаол равишда ошириш учун шароит яратади.

Таъкидлаш жоизки, "Ўзбекинвест" компанияси бугунги кунда "A.M. Best Company Inc" халқаро рейтинг агентлигининг ушбу даражадаги рейтингига эга бўлган республика молия соҳасидаги биринчи ва ягона ташкилоти ҳисобланади.

Шу билан бирга, "Ўзбекинвест" компанияси халқаро рейтинг агентликларининг кучли учлигига кирувчи "Moody’с Investors Service" (АҚШ) халқаро рейтинг агентлигининг "Барқарор" прогнози билан "Ba2" даражасига эга. Ушбу даражадаги рейтинг Ўзбекистон банк ва суғурта соҳаси ташкилотлари орасида энг юқорисидир.

Реклама ҳуқуқи асосида