T'way Air Сеулдан Тошкентга парвозларни йўлга қўяди

Парвозлар ҳафтасига тўрт марта амалга оширилади.

Жанубий Кореянинг T'way Air авиакомпанияси Сеул-Тошкент-Сеул йўналиши бўйича мунтазам қатновларни йўлга қўйишни режалаштирмоқда. Биринчи рейс жорий йилнинг 23 май кунига белгиланган.

Парвозлар ҳафтасига тўрт марта – душанба, чоршанба, жума ва якшанба кунлари Boeing 777-300 ва Airbus А330-300 самолётларида амалга оширилиши кутилмоқда.

T'way Air – 2010 йилда ташкил этилган ва бош қароргоҳи Сеулда жойлашган Жанубий Кореянинг лоукостер авиакомпанияси.

#Жанубий Корея #Сеул #T'way Air