“Интер Милан” клуби ҳар қандай жамоа учун бошоғриқ бўла олади” – Ориф Толипов

Кun podkastiʼнинг навбатдаги сонида журналист, шарҳловчи Ориф Толипов билан сўнгги Европа чемпионлар лигаси яримфинал учрашувлари, навбатдаги баҳсларнинг фаворитлари, Фликни қийнаган сўнгги Эл-класико баҳси, Ўзбекистон U-17 жамоасининг Осиё кубогидаги муваффақиятли ўйинлари, шарҳловчилик қилишнинг қоидаси борасида суҳбатлашдик.

{Yii::t(}

Ўтказиб юбориш 6s

Чемпионлар лигаси ўйинлари бир неча кун олдин бўлиб ўтган иккита ўйин “Арсенал” ва “ПСЖ” ҳамда “Барселона” ва “Интер Милан”. Дастлаб Лондонда ўтган ўйинга тўхталсак. “Арсенал” “ПСЖ” биринчи ўйин 0:1 ҳисобида “ПСЖ”нинг ғалабаси билан якунланди ва ўйин шундай бўлиши кутилганмиди?

- Йўқ, бунақа ўтишини мен кутмагандим, ўзимнинг қарашимни айтадиган бўлсам, ўзи умуман аввал шуни айтишим керакки, Европа Чемпионлар лигаси яримфиналига тўртта муносиб жамоа чиқди, яъни бу доим ҳам бўлавермайди. Масалан, ўтган йил ҳар ҳолда “Боруссиа Дортмунд” бор эди-да. “Боруссиа Дортмунд”га чуқур ҳурматни сақлаган ҳолатда, у яхши клуб, зўр клуб, иқтидорларни чиқариб беради, лекин тўрталикка кирса, бу бошидан баландга сакрашдек туюлади менга. Ҳа, ҳозир “Арсенал”, “ПСЖ”, “Барселона” ҳамда “Интер” жамоаларининг ҳаммаси муносиб. Яна бундан ҳам муносиб жамоалар бор эди, лекин нима қиламизки, Европада топ клублар кўп, аммо яримфиналда тўртта жамоа бўлади, финалда иккита, ғолиб эса битта бўлади. Рақобат катта. Шуни айтишим керак. Ва бу жуда ҳам зўр шаклланиб қолди тўртлик. Буни нимада кўрса бўлади? Ўша умумий гуруҳ жадвали бўлди, эсласангиз, ўша янгича форматда умумий турнир жадвали бўлди ва ўшанда саккизта тур ниҳоясига етгандан кейин биринчи тўртликдаги учта жамоани биз яримфиналда кўряпмиз. “ПСЖ”дан бошқаси шу тўртликда бор эди. Ҳатто “Ливерпул” ҳам бўлиши мумкин эди, “ПСЖ” чиқариб юборди-да уни. Сиз сўраганингиз, ўша Лондондаги учрашувда мен очиқроқ, кўп голлик ўйин кутгандим.

Кимдан?

- Икки жамоа. Икки жамоа ҳам очиқ футбол ўйнайдиган жамоа эди, яъни тасаввур шунақа эди. Артетани лигадаги вазият АПЛда прагматик бўлишга мажбур қилди. Жароҳатлар сабаб мавсум давомида йўқотишларни ўрнини тўлдириб ҳаракат қилди ва прагматик, яъни рақибдан келиб чиқадиган ёки мослашувчан ўйин қилишга мажбур бўлди.Натижа учун курашишга мажбур бўлди. “ПСЖ”да ҳеч қачон унақа бўлмаган, айниқса Луис Энрикеда. Биз кўрганимиз эса ўша чоршанба оқшомида бўлиб ўтган учрашув натижа учун ўйнади. Қанақа бўлиб? Пари Саинт-Гермаин тез гол урди ва кейин Арсенал жавоб беришга ҳаракат қилиб, жавоб беришга яқин келганда кўрдики, Пари Саинт-Гермаин жуда очиқ ўйна олмайди, ҳимояни ҳам ушлаш керак ва мажбур бўлди ўша ҳимояни ушлаб туриб баланс мувозанатини сақлашга ва шу мувозанат сақлангани туфайли биз бошқа гол кўрмадик. Энди бу ерда яна Доннарумманинг ўйини, лондонликларнинг вазиятлардан фойдалана олмаслиги ҳам бор.

Дембеле “Барcелона”да шунча ҳаракат қилди. Қанақадир стабиллик етмадими? Тўғри, биз унинг иқтидорини кўрдик, дриблингда, тезликда иқтидорини ҳамма кўрди, лекин стабиллик етмади, лекин “ПСЖ”га келди. Унда ҳам биринчи мавсумда адашмасам Мбаппе билан бирга майдонга тушганда барибир Мбаппе етакчилигини кўрсатиб қўяверди-да. Лекин Мбаппе кетгандан кейин Дембеле олдинга чиқди ва ўзини кўрсата олди. Ҳозир мана шу энг кучли топ ҳужумчиларни оладиган бўлсак, Дембеле учталикда борми?

- Ҳужумчи тушунчаси ҳам жуда ўзгариб кетди-ку. Масалан, страйкер дея олмаймиз уни, лекин вингер сифатида ҳа бор. Масалан, Салаҳ ҳам ўша позиция вакили, лекин жуда кўп гол уради, шу билан бирга кўп ассист ҳам беради. Усмон ҳали Боруссияда эканлигида жуда ёш эди, “Барcелона”га жуда катта пул эвазига трансфер қилинган ва “Барcелона”да омадсизлигининг ягона сабаби жароҳатлар деб ўйлайман. У жароҳатга жуда мойил эди. У билан боғлиқ мэмлар бор. Ҳали Хави келиб туриб бўйнидан ушлаб қўйса ҳам жароҳат олади, деб ҳазиллашишарди у билан. Шунақа кадрлар бор. Ҳатто шу жароҳатга мойиллигида ҳам “Барcелона”да ёмон мавсумларни ўтказмади. Тўғри, кутилганидек эмас, чунки ундан кўпчилик кўпроғини кутганди, яъни бундан ҳам зўр бўлишини кутганди. Мессидан кейинги даврда ўйнагани учун бўшлиқларни тўлдиришини кутганди. Ҳозир мана Ямалниг нуқтасида ўйнаяпти-ю, шу Ямал даражасини кутишганди-да энди. Бу даражада чиқмади, аммо ўйнаганда кўрсангиз, ўша чемпион бўлган мавсумида Хави билан адашмасам Дембеленинг ҳиссаси жуда катта эди. Ўнинг узатмалари, унинг голлари бор эди. Қолаверса, мураббийнинг ҳам ўрни катта.

Шу Луис Энрике “Барcелона”ни бошқарганда ҳам жамоа катта натижаларга эришган, лекин ўша ўйинларда барибир Энрикенинг ўрни, таъсирини жуда катта деб ҳисоблашмаган.

Йўқ, бу бемалол баҳслашса бўладиган фикр, чунки Энрике ўша учликни шакллантирган мураббий ҳисобланади. Энрикени таъсири бўлмаган унинг мураббийлигидаги жамоа йўқ. Мен очиғи жуда эшитмаганман, сиздан эшитяпман. Тўғри, кимдирлар шунақа Энрикенинг таъсири йўқ деб ҳисоблаши мумкин, лекин Энрике яқин-яқингача камбағалларнинг Гвардиоласи дейиларди. “ПСЖ”гача шунақа эди, яъни айтишардики, у бюджети катта бўлмаса ҳам яхши ўйнайдиган жамоа қура оладиган мураббий дейишарди. Майдонда қўлини, имзосини кўрсатадиган мураббийларни ҳозир саноқли деб биламан. Ўзи мана тўртта чиқди-ку. Тўрталаси зўр мураббий. Рейтинг тузиладиган бўлса, мен Энрикени биринчи ўринга қўяман.Кейин Фликни, кейин Инзагини, кейин Артетани қўяман.

Арсенал босим остида ўйнади деб ҳисоблайсизми кечаги ўйинда? Ва бу ниманинг натижасида бўлди? Арсеналга нима босим бердики, бунақа қандайдир бир очилиб бемалол “Реал”га қарши ўйнагандай ижодкорлик йўқ. Шу нарса ёпилиб қолди-да.

- Ўша “Реал”дан кейинги босим сабаб кўп эҳтимол, чунки “Реал”дан кейин Арсеналга бўлган кутилмалар ортиб кетди.

Яъни ўзига ишончми, бошқалар томонидан?

- Менимча “Реал”дан кейин Арсеналга ҳамма бошқача қарашни бошлади-да. Халқаро майдонда. Кейин ички чемпионатда мана Арсенал мухлислари хафа бўлишмасин, кўпчилиги ўзи билади ҳам, очиқ ҳақиқат сифатида қабул қилишади. Венгер вақтида тўртинчи жамоа эди. Артета даврида иккинчи жамоа бўлиб қоляпти. Яъни тепада ким бўлиши аҳамияти йўқ. Ё “Ливерпул” бўлади, ё “Манчестер Cити” бўлади, Арсенал иккида бўляпти.

Интервюнинг тўлиқ шаклини юқоридаги видео орқали томоша қилишингиз мумкин.

#футбол #подкаст #Ориф Толипов